သျှမ်းပြည်တောင်ပိုင်း တောင်ကြီးမြို့တွင် ကိုယ်ဝန်သည်အမျိုးသမီးထံမှ ပိုက်ဆံအိပ်လုယက်မှုဖြစ်ပွါးခဲ့သူအား ဖမ်းဆီးမိခြင်းမရှိသေးကြောင်းသိရသည်။
ဆိုးခိုးလုယက်မှုများဆက်တိုက်ဖြစ်ပွါးလာနေသော သျှမ်းပြည်မြို့တော် တောင်ကြီးတွင် ဖေဖော်ဝါရီလ ၄ ရက်နေ့မနက်ပိုင်းက ရေအေးကွင်းရပ် အမှတ်(၄)အခြေခံပညာအထက်တန်းကျောင်း အနီး၊ထိုင်ဝမ်မုန့်တိုက်လမ်းကြားတွင် ကိုယ်ဝန်သည် အမျိုးသမီးတဦး အားဆိုင်ကယ်သမား ၂ ဦးက ပိုက်ဆံအိတ် လုယက် မှု ဖြစ်ပွားခဲ့ခြင်းဖြစ်သည်။
ကာယကံရှင် ကိုယ်ဝန်သည်အမျိုးသမီး မနော်နာစောက – “ဆိုင်ကယ်ပေါ်ကနေလုသွားတာတော့ လူငယ် ၂ ယောက်ပေါ့ ဘဏ်စာအုပ် ၊ လက်ကိုင်ဖုန်း ၊မှတ်ပုံတင် ၊၀န်ထမ်းကဒ် ၊ အိမ်သော့ တွေပါသွားတယ် ၊ ကျမကလဲ ကိုယ်ဝန်ရင့်မာ ကြီးနဲ့ဆိုတော့ ရုတ်တရက်ဆိုအရမ်း လန့် သွားတယ် ” ဟု သျှမ်းသံတော်ဆင့်အားပြောပြသည်။
လုယက်သူများမှာ အသက် (၂၀)၀န်းကျင်ခန့်ရှိအမျိုးသား နှစ်ဦးဖြစ်ကြောင်း ၄င်းကပြောသည်။
” မနက်ခင်းပိုင်း (၁၀) နာရီမှာကို ဒါမျိုးလုပ်ရဲကြတယ်ဆိုတော့ ဒုစရိုက် လုပ်ငန်းကို လွယ်လွယ် နဲ့ လုပ်လို့ ရမှန်းသိလို့ လုပ်နေကြတာလို့ပဲမြင်တယ် ၊ တောင်ကြီးမြို့ပေါ်မှာ ရဲအင်အားလုံခြုံရေးအားနည်းတယ် လူတွေက အလုပ်ရှုပ်မှာစိုးလို့သာ အမှုမဖွင့်တာပဲ ရှိမယ် လုယက်မှုကတော့ မကြာခဏဖြစ်နေပါတယ် ” ဟု တောင်ကြီးမြို့ ကန်ရှေ့ရပ်နေသူ ကိုထွန်း ကပြောသည် ။
ယင်းလုယက်မှုတွင် တရားခံများအား မဖမ်းဆီးမိသေးကြောင်း၊ ကာယကံရှင် မနော်နာစောကလည်း အမှတ် (၂) ရဲစခန်းတွင် ဆက်လက်အမှုဖွင့် သွားမည်ဖြစ်ကြောင်း သိရှိရပါသည် ။
Leave a Comments