သျှမ်းပြည်တောင်ပိုင်း၊ ကလောမြို့နယ်၊ အောင်ပန်းမြို့၊ နောင်ရဲကျေးရွာအုပ်စု၊ လွိုင်လုံ တောင်အရှေ့ဖက် ရှိကျောက် မီးသွေးတွင်း၌ မိုင်းတွင်း အလုပ်သမားများ အောက်ဆီဂျင်ပြတ်ကာ ၃ ဦး သေဆုံးကြောင်းသိရသည်။
ဧပြီလ ၅ ရက်နေ့က သေဆုံးမှုဖြစ်ခဲ့ခြင်းဖြစ်ပြီး ၄င်းတို့၏ အလောင်းများအား ဧပြီလ ၆ ရက်နေ့က ဆွေမျိုးမိဘများက အသုဘချ ပေးခဲ့ကြောင်းလည်းသိရသည်။
“ ဖြစ်သွားတာကတော့ တပြုသားမိုင်းနင်းကျောက်မီးသွေးတွင်း မှာပေါ့ ။ အနက်ကပေ ၃၀ ၊ ဂလိုင်က ၁၅ ပေ အောက်ဆီဂျင်ပြတ်တဲ့ အချိန်မှာသူတို့ဝင်သွားတာလို့သိရတယ်။ ကုမ္ပဏီတာဝန် ယူပေးတာက အသက်နစ်နာဆုံးရှုံးကြေးကတော့ ကြားပွဲစားမပါဘဲနဲ့ တစ်ဦးကိုသိန်း (၃၀) စီ သက်ဆိုင်ရာမိသားစုတွေ ကြေအေးလွှာထိုးပေးခဲ့ပါတယ် ” ဟု နောင်ရဲကျေးရွာအုပ်စု အုပ်ချုပ်ရေးမှူး ဦးခွန်ဆန်းသိန်း ကပြောသည် ။
သေဆုံးသူများမှာ အသက် ဦးမောင်ဆန်း အသက် (၄၂) နှစ် နှင့် ညီအစ်ကို နှစ်ဦးဖြစ်သည့် မောင်ဝင်းဦး(၁၈) နှစ် ၊ မောင်တင်ဇော်(၂၀)နှစ် တို့ဖြစ်ကြကြောင်း ၄င်းထံမှ ဆက်လက်သိရ ပါသည်။
Leave a Comments