Thursday, December 1, 2022

သျှမ်း တောင်-မြောက် နယ်စပ်ကြား SSPP/SSA ၏တပ်စခန်းတခုအား အစိုးရတပ်မတော် အင်အားသုံးတက်တိုက်

Must read

သျှမ်းပြည်မြောက်ပိုင်းသီပေါမြို့နယ်အတွင်း လွယ်ပန်ခါးအရပ်ဘက်တွင် ၂ ရက်ဆက်တိုက် တိုက်ပွဲဖြစ်ပွါးခဲ့ကြောင်းသိရသည်။

Photo Google Map- တိုက်ပွဲဖြစ်ပွါးသည့် လွယ်ပန်ခါးဒေသ

၂၀၁၉ မတ်လ ၈ ရက် မွန်းတည့်ချိန်မှစပြီး မွန်းလွဲပိုင်းအထိ သီပေါမြို့နယ် ၊ ကျေးသီးမြို့နယ်နှင့် မိုင်းကိုင်မြို့နယ်စပ်အကြား လွယ်ပန်ခါးတွင် တိုက်ပွဲဖြစ်ပွါးနေကြောင်း၊ မိုင်းကိုင် – တုံလောဘက်မှ တပ်များအင်အားထပ်မံဖြည့်တင်းမှုပြုနေကြောင်း မျက်မြင်ဒေသခံများပြောပြချက်အရသိရသည်။

သီပေါမြို့နယ်အတွင်း လှုပ်ရှားနေသော SSPP/SSA အရာရှိတဦးက- “ ဒီနေ့တိုက်ပွဲက မွန်းတည့်ချိန်က စ တယ်။ မွန်းလွဲပိုင်းအထိ တိုက်ပွဲကပြင်းထန်နေတုန်းပါဘဲ။ တုံလောဘက်က စစ်ကြောင်း ၂ ကြောင်းနဲ့ စစ်အင် အားတွေထပ်ဖြည့်နေတယ်။ မနေ့ကတိုက်ပွဲမှာကော ဒီနေ့တိုက်ပွဲမှာကော အစိုးရတပ်နဲ့အတူ RCSS/SSA တပ်တွေပါတယ်။” – ဟု သျှမ်းသံတော်ဆင့်အား ပြောသည်။

SSPP ၏လွယ်ပန်ခါးတပ်စခန်းမှာ နမ့်လန် – ကျေးသီး – မိုင်းကိုင်ကြား သီပေါမြို့အရှေ့တောင်ဘက် အရပ်တွင် တည် ရှိပါသည်။ အဆိုပါတိုက်ပွဲသည် လူနေရပ်ရွာနှင့် ဝေးသော တောတွင်း တောင်ကုန်းတွင်ဖြစ်ပွါး ခဲ့ခြင်း ဖြစ် ကြောင်း ဆိုပါသည်။

၄င်းနှင့်ပတ်သက်ပြီး RCSS/SSA ကပြောခွင့်ရ ဗိုလ်မှူးကြီး စိုင်းဦး က – “နားမခေါ်ဘက်မှာ SSPP နဲ့ အစိုးရစစ်တပ် တိုက်နေတယ်ဆိုတာတော့ တကယ်ဟုတ်တယ်။ ဒါပေမယ့် RCSS/SSA တပ်တော့မပါဘူး။ အစိုးရစစ်တပ်နဲ့ပေါင်းပြီး တက်တိုက်တယ်ဆိုတာလုံးဝ မဟုတ်ပါဘူး။ ကျနော်တို့တိုက်ပွဲဖြစ်ရင် အစိုးရစစ်တပ်က မနီးမဝေးနေ စောင့်နေတတ်ပါတယ်။ ဒါကြောင့် ထင်ယောင်ထင်မှားတွေဖြစ် လေ့ရှိပါတယ် ”- ဟု သျှမ်းသံတော် ဆင့်အားပြော သည်။

SSPP ၏ လွယ်ပန်ခါးတပ်စခန်းအား မတ်လ ရ ရက် ယနေ့မနက်ပိုင်းက အစိုးရတပ်က ၀င်ရောက်တိုက်ခိုက်ခဲ့ကြောင်း၊ တိုက်ပွဲတွင် အစိုးရတပ်၏ တပ်ကြပ်ကြီး တစ်ဦး ၊ တပ်ကြပ် တစ်ဦးနှင့် တပ်သား တစ်ဦး တို့၏အလောင်းများတွေ့ရကြောင်း SSPP ကပြောသည်။

အစိုးတပ်မတော်သည် ၂၀၁၈ ဒီဇင်ဘာလမှ ၂၀၁၉ ဧပြီလအထိ ၄ လ တာကာလအတွင်း တဖက်သတ်အပစ်ရပ်ထားမည်ဟု ကြေငြာထားပါသည်။

Leave a Comments

- Advertisement -spot_img

Latest article