သျှမ်းပြည်တောင်ပိုင်း လွယ်လင်မြို့နယ်တွင် လွယ်လင်နှင့် ပင်လုံဒေသခံများ ဆရာတော်သံဃာတော်များစုပေါင်းကာ လွယ်လင်ဓါတ်တော်ကျောင်းတိုက်ရှိ ကျောင်းဆောင်သစ်ကြီး ဖွင့်ပွဲ နှင့်ရေစက်ချလှူဒါန်းပွဲအခမ်းအနား တရပ်ကျင်းပခဲ့သည်။
မတ်လ ၁ ရက်နေ့တွင် ဖွင့်ပွဲအခမ်းအနား ကျင်းပရာ ရပ်နီးရပ်ဝေးမှ ဆရာတော် သံဃာတော်များနှင့် တပည့်ဒကာများ ၊ စာပေယဉ်ကျေးမှုအဖွဲ့၊ လူငယ်အဖွဲ့၊ လူမှုအသင်းအဖွဲ့များတက်ရောက် ခဲ့ကြကြောင်းသိရသည်။
ကျောင်းဆောင်သစ် ရေစက်ချပွဲအခမ်းအနားကို မတ်လ ၁ ရက်မှ ၄ ရက်နေ့အထိ ကျင်းပသွားမည်ဖြစ်ပြီး သျှမ်းပြည်သူလူထု ယုံကြည်ကိုးကွယ်လေးစားသော တောင်တန်းသာသနာပြုဆရာတော် စဝ်ဆုခမ်း၊ စဝ်ခူးအာလောက တို့မှ တရာဒေသနာများမြွက်ကြားတော်မူမည်ဖြစ်ပြီး စာပေဟောပြောပွဲပါကျင်းပမည့်ဖြစ်ရာ စဝ်ခူးသီရိဓမ္မ (၀ပ်ဖှာ့ဝိန်းအင်း) ၊ စလေးကော်မိန်း၊ နန်းခမ်းအေး (နမ္မတူ)တို့မှ ၀င်ရောက်ဟောပြောသွားမည်ဖြစ်ကြောင်းလည်းသိရသည်။
ထို့အပြင် ခေတ်ဟောင်း ခေတ်သစ် တေးဂီတများဖြင့်လည်း ရပ်နီးရပ်ဝေးမိတ်ဆွေများအား ဖျော်ဖြေပေးသွားမည်ဖြစ်ကြောင်း သိရသည်။
Leave a Comments