ဒီဇင်ဘာ ၂၁ ရက်နေ့မှစ၍ ၄ လတာ အပစ်ရပ်ထားမည်ဟု အစိုးရတပ်မတော် သတင်းထုတ်ပြန်ထား သည့် နောက်ပိုင်း သျှမ်းပြည် နဲ့ ကရင်နီပြည် အတွင်း တပ်စခန်းအသစ်တိုးချဲ့ချထားမှုများ ပြုလုပ်နေ သည်ဟု တိုင်းရင်းသားတပ်များကပြောသည်။
သျှမ်းပြည်၊ ကယားပြည် ခေါ် ကရင်နီပြည် နှင့် ကချင်ပြည်နယ် အတွင်း တွင်းရှိ စစ်တိုင်းကြီး ၅ ခု – ဖြစ်သည့် တောင်ကြီးအခြေစိုက် အရှေ့ပိုင်းတိုင်းစစ်ဌာနချုပ် (ကယားပြည်နယ်ပူးတွဲ) ၊ ခိုလမ်အခြေစိုက် အရှေ့အလယ်ပိုင်းတိုင်းစစ်ဌာနချုပ်၊ ကျိုင်းတုံအခြေစိုက် တြိဂံတိုင်းစစ်ဌာနချုပ်၊ လားရှိုးအခြေစိုက် အရှေ့မြောက်ပိုင်းတိုင်းစစ်ဌာနချုပ် နှင့် မြစ်ကြီးနားအခြေစိုက် မြောက်ပိုင်းတိုင်းစစ်ဌာနချုပ် လက်အောက်ခံ တပ်များ စစ်ရေးလှုပ်ရှားမှု ရပ်ဆိုင်းထားမည်ဟု တပ်မတော် ထုတ်ပြန်ပြီး ၂ လမပြည့်မီ တပ်စခန်းအသစ် တိုးချဲ့လာခြင်းဖြစ်သည်ဟု တိုင်းရင်းသားတော်လှန်ရေးတပ်များက ပြောသည်။
“ ဒီတလ နှစ်လ အတွင်းမှာဘဲ – ကျနော်တို့သတင်းရထားတာက လွိုင်လင် – ပင်လုံဘက် ဆို စနင်းတော င် ကြောမှာ၊ မိုင်းပန်မြို့နယ်ဆို လွိုင်ပန်ပိ တောင်ကြောမှာ၊ နောက် မိုင်းပျင်းမြို့နယ်ထဲမှာ ၊ မော်ဖမြို့နယ် သံလွင်မြစ်ကူးတို့ဆိပ်တွေမှာ တပ်စခန်းသစ် တိုးချထားတာတွေ ရှိတယ် “ – ဟု ဒေသ အတွင်းလှုပ်ရှားသည့် RCSS/SSA တပ်မှူး တဦးကပြောသည်။
ထို့အတူ ကရင်နီပြည် (ကယားပြည်နယ်)ဘက်တွင်လည်း အရှေ့ပိုင်းတိုင်းလက်အောက်ခံ တပ်များ က မော်ချီးမြို့နယ်၊ ရှားတော၊ ဒီမော့ဆို၊ ဖားဆောင်၊ ဘော်လခဲ စသည့်မြို့နယ်အတွင်းလည်း စခန်းသစ်များ တိုးချဲ့ချထားမှုများရှိနေသည်ဟု လွိုင်ကော်အခြေစိုက် ကန္တရဝတီ သတင်းဌာန က ရေးသားထုတ်ပြ န်ထားသည်။
PSLF/TNLA ပလောင်ပြည်နယ်လွတ်မြောက်ရေးတပ်ဦး ၏ သတင်းနှင့်ပြန်ကြားရေးဌာနက ထုတ်ပြန်သည့် စာစောင်တွင်လည်း သျှမ်းပြည်မြောက်ပိုင်းသို့ ရောက်ရှိအခြေချ လှုပ်ရှားနေသည့် တပ်မ ၁၁ ၊ ၆၆၊ ၈၈၊ ၉၉ တို့လည်း ကျောက်မဲမြို့နယ်၊ နမ့်ဆန်မြို့နယ်၊ မန်တုံမြို့နယ် နမ္မတူမြို့နယ်၊ နမ့်ခမ်းမြို့နယ်အတွင်း တပ်စခန်းသစ် ၁၂ ခု တိုးချဲ့ချထားသည်ဟု ရေးသားထုတ်ပြန်ထားသည်။
အစိုးရတပ်မတော် ထုတ်ပြန်ကြေငြာချက်အတွင် ၂၀၁၈ ဒီဇင်ဘာ ၂၁ ရက်နေ့ မှ ၂၀၁၉ ဧပြီ ၃၀ ရက်နေ့ အထိ အပစ်ရပ်ထားစဉ်ကာလအတွင်း အဖွဲ့အလိုက် အပစ်ရပ်လုပ်ငန်းများ ဆောင်ရွက်နိုင်ရန် သက်ဆိုင် သည့်စစ်တိုင်းရုံးလက်အောက်ခံတပ်များ အနေဖြင့်လည်း စစ်ရေးလှုပ်ရှားမှု ရပ်နားပေးထားမည်ဖြစ် ကြောင်း၊ တိုင်းရင်းသားလက်နက်ကိုင်တပ်ဖွဲ့များအနေဖြင့်လည်း အင်အား သုံးတိုက်ခိုက်ခြင်း၊ တပ်အင်အားတိုးချဲ့လှုပ်ရှားခြင်းများ မပြုလုပ်ရန်သတိပေးထားသည်။
