သျှမ်းပြည်အရှေ့ပိုင်း ထိုင်းနယ်စပ် မိုင်းဆတ်ခရိုင်အတွင်း တရားမဝင်ရောက်ရှိလာသည့် ထိုင်းနိုင်ငံသား ၈၁ ဦး နှင့်အတူ သျှမ်းအမျိုးသား ၂ ဦးတို့အား မူးယစ်ဆေးဝါးတားဆီးနှိမ်နှင်းရေးရဲတပ်ဖွဲ့က ဖမ်းဆီးရ မိခဲ့ကြောင်းသိ ရသည်။
ထိုင်းနိုင်ငံ ချင်းမိုင်နယူးစ် သတင်းဌာနက – မိုင်းဆတ်မြို့နယ် နားယောင်းရွာက ရီဆော့တနေရာမှာ မြန်မာရဲ တွေ ၀င်ရောက်စစ်ဆေးတဲ့အခါမှာ ထိုင်းလူမျိုး ၈၁ ဦး(ကျား ၄၈ ဦးနဲ့ မ ၃၃ ဦး) ကိုတရားမဝင်ခိုးဝင်မှုနဲ့ ဖမ်းဆီးအရေး ယူထားတယ်- ဟု ရေးသားဖော်ပြထားသည်။
မိုင်းဆတ်ဒေသခံ စိုင်းအေ က- ဒီဒေသတွေ ထိုင်းနဲ့နယ်မြေချင်းထိစပ်နေတဲ့နေရာတွေဖြစ်တယ်။ မူးယစ်ဆေးဝါး လည်းအရမ်းကိုပေါများပါတယ်။ အဲဒီဒေသမှာ အတူတကွနေထိုင်နေကြတဲ့တိုင်းရင်းသား တွေလည်းများပြား တယ် – ဟု သျှမ်းသံတော်ဆင့်အားပြောသည်။
၄င်းတို့အား စစ်ဆေးမှုများဆက်လက်ပြုလုပ်ထားပြီး ထိုင်းနိုင်ငံမှ ဥပဒေချိုးဖောက်ကာ ထွက်ပြေးတိမ်းရှောင် နေသူ များဟုတ်မဟုတ်ထပ်မံစစ်ဆေးနေကြောင်းသိရပါသည်။
Leave a Comments