သို့- သျှမ်းသံတော်ဆင့် မှတဆင့် ခရိုင်အုပ်ချုပ်ရေးမှူး၊ ပြည်နယ်အုပ်ချုပ်ရေးမှူး ၊ ရဲဌာန၊ ပြည်နယ်ခွဲရဲ၊ မြို့နယ်အုပ်ချုပ်ရေးမှူး နှင့်လွှတ်တော်ကိုယ်စားလှယ်များ၊ သက်ဆိုင်ရာလူကြီးမင်းများခင်ဗျား

လားရှိုးမြို့ရပ်ကွက်(၁၂) နယ်မြေ (၅) ဟတ်ကာလမ်း တရုတ်ဇီးခြံရွာ စိုက်ပျိုးမြေ လယ်ယာမြေကွက် ထဲတွင် လွန်ခဲ့တဲ့ ၁ နှစ် ၂ နှစ်ခန့်က လောင်းကစားကို ပိတ်ပင်ထားတော့ပြည်သူတွေ စိတ်ချမ်းသာ ပျော်ရွှင်ခဲ့ရတယ်။

အခုအစိုးရအပြောင်းလဲကြောင့် စိုက်ပျိုးမြေလယ်ယာမြေကွက်ထဲမှာ လောင်းကစားပွဲပြုလုပ်နေတာကို အစိုးရကခွင့်ပြုထားတာလား။ ဒါမှမဟုတ်မမြင်ချင်ယောင်ဆောင်နေတာလား။ တာဝန်ရှိလူကြီးမင်းများက မသိချင်ယောင်ဆောင်နေတာလား။ လာဘ်စားထားလို့ ခွင့်ပြုထားတာလား၊ သို့မဟုတ် တိုင်ကြားတဲ့လူမရှိလို့ မသိတာလားလို့မေးချင်ပါတယ်။

ခုချိန်မှာ ကလေးတွေရဲ့ပညာရေး စာမေးပွဲ ဖြေဖို့ရက်လည်းနီးနေပါပြီ။ တချို့ခလေးတွေဆိုရင် ၁၈ နှစ်တောင်မပြည့်သေးဘဲလာပြီးလောင်းကစားလုပ်ကြတာ ပို်က်ဆံတွေ ပစ္စည်းတွေ ဖုန်းတွေ ဆုံးရှုံးတာတွေလဲရှိပါတယ်။ မိဘများအနေနဲ့ စိုးရိမ်ပူပန်ကာ မျက်ရည်နဲ့မျက်ခွက် ဖြစ်နေရပါတယ်ခင်ဗျား။

ပြည်သူလူထုကလည်း စိတ်သောကရောက်နေကြပြီ ။ ဒုစရိုက် သူခိုးတွေလည်းများလာတဲ့အတွက်ကြောင့် ပြည်သူတစ်ယောက်အနေနဲ့ လေးစားအပ်ပါသော ခရိုင်အုပ်ချုပ်ရေးမှူး၊ ပြည်နယ်အုပ်ချုပ်ရေးမှူး ၊ ရဲဌာန၊ ပြည်နယ်ခွဲရဲ၊ မြို့နယ်အုပ်ချုပ်ရေးမှူး နှင့်လွှတ်တော်ကိုယ်စားလှယ်များ၊ သက်ဆိုင်ရာလူကြီးမင်းများမှ အချိန်မှီ တားဆီးပေးပါရန် အနူးအညွတ်တောင်းပန်ရင်း လောင်းကစားဝိုင်းကိုဖြုတ်သိမ်းပေးပါရန် တောင်းဆိုလိုက်ပါတယ်။

အားလုံးကိုလေးစားအားကိုးလျှက်
အိုက်စိုင်းလားရှိုး