လစ်လပ်လျှက်ရှိသော ပြည်နယ်နှင့်တိုင်းအသီးသီးမှ လွှတ်တော်ကိုယ်စားလှယ်များနေရာအား အစားထိုးနိုင်ရေးအတွက် ၂၀၁၈ အတွင်း ကြားဖြတ်ရွေးကောက်ပွဲထပ်မံကျင်းပသွားမည်ဖြစ်ကြောင်း သိရသည်။
ဂျန္နဝါရီလ ၁၅ ရက်ကစတင်သော အမျိုးသားလွှတ်တော်အစည်းအဝေးတွင် – ကြားဖြတ်ရွေးကောက်ပွဲ ထပ်မံကျင်းပရန် ဆွေးနွေးခဲ့ကြခြင်းဖြစ်ပါသည်။
သို့သော် ဘယ်နေ့ဘယ်ရက်တွင်ကျင်းပမည်ကိုမူ မသိရသေးကြောင်း ပြည်ထောင်စု ရွေးကောက်ပွဲ ကော်မရှင် အဖွဲ့ဝင်ဦးအောင်မြင့်က လွှတ်တော်အစည်းအဝေးအပြီး သတင်းထောက်များ အားပြောကြားသည်။
ဆွေးနွေးမှုများပြုလုပ်ပြီး ကျင်းပမည့်ရက်သိရပါက ထပ်မံကြေငြာပေးမည်ဖြစ်ကြောင်း ၎င်းကပြောဆိုသည်။
လက်ရှိတွင် သျှမ်းပြည်နယ်အတွင်း လစ်လပ်နေသော မဲဆန္ဒနယ် တနေရာရှိနေရာ ပြီးခဲ့သည့် ၂၀၁၇ ခု ဒီဇင်ဘာလက ကွယ်လွန်သွားခဲ့သည့် လဲချားမြို့နယ် ပြည်နယ်လွှတ်တော်အမတ် ဦးစိုင်းမွန်း၏ နေရာတွင်အစားထိုးရန်ဖြစ်ပါသည်။
ပြီးခဲ့သည့် ၂၀၁၇ ဧပြီလက ကျင်းပပြုလုပ်သော ကြားဖြတ်ရွေးကောက်ပွဲတွင် သျှမ်းပြည်တွင်းလစ်လပ် မဲဆန္ဒနယ် ၈ နေရာရှိရာ သျှမ်းတိုင်းရင်းသားများဒီမိုကရေစီအဖွဲ့ချုပ် SNLD က ၆ နေရာ ယှဉ်ပြိုင်အနိုင်ရရှိသွားပါသည်။
Leave a Comments