တောင်ကြီးမြို့ ပေါ်တွင် တရားမျှတမှုအတွက် ပအိုဝ်းတိုင်းရင်းသားများ ထောင်ချီ ဆန္ဒထုတ်ဖော် ခြင်းကို ဒီဇင်ဘာ ၂၁ ရက်နေ့ နံနက် ၁၀ နာရီခန့်က ပြုလုပ်ခဲ့ ကြောင်းသိရသည် ။

အဆိုပါဆန္ဒပြပွဲကို ဦးဆောင်ကျင်းပသူတစ်ဦးဖြစ်သည့်တိုင်းရင်းသား လူနည်းစု ဒီမိုကရေစီအဖွဲ့ မှ ဒါရိုက်တာ ခွန်ဇော်က- “ ဒီဇင်ဘာ ၁၁ ရက်နေ့ တုန်းက RCSS/SSA တပ်သား ကနေပြီးတော့မှ ကျေးရွာ အုပ်ချုပ် ရေးမှူးအ ပါအဝင် အရပ်သား(၅) ဦးကိုသတ်ဖြတ်ခဲ့တယ်ပေါ့ ။ အဲ့ဒီအပေါ်မှာ ကျနော် တို့တရားမျှတမှုရရှိ ဖို့နဲ့ အဲ့ဒီဒေသ အတွင်းမှာ လုံခြုံရေးရရှိဖို့ စတဲ့ရည် ရွယ်ချက် (၂) ချက်နဲ့ ဆန္ဒပြပွဲလုပ်ရ ခြင်းဖြစ်ပါတယ် ” ဟု ဆန္ဒထုတ်ဖော်ရခြင်း၏ရည်ရွယ် ချက်ကို ရှင်းလင်းပြောဆိုသည် ။

အဆိုပါဖြစ်စဉ်နှင့် ပတ်သက်၍ RCSS/SSA မှပြောရေးဆိုခွင့် ရှိသူ ဗိုလ်မှူး စိုင်းဦး ကို ဆက်သွယ်မေးမြန်းရာ ” အမှုမှန်ပေါ်ပေါက်ဖို့ဆိုတာက အရင်ဆုံးကနဦး စစ်ဆေးရမယ် ။ ကျနော် ဥပမာ – တစ်ခုပြောမယ် ။ သစ်ပင်ပေါ်မှာ သူ့ဖာသာသူရှိနေတဲ့ ပျားအုံကို သစ်ပင်ပေါ်တက်ပြီး ဒုတ်နဲ့သွားထိုးသလိုပေါ့ ။ ပျားတုပ်တော့ သစ်ပင်ပေါ်ကပြုတ်ကျတယ် ။ အဲ့တာကို ပျားတုတ်လို့ ငါသစ်ပင်ပေါ်က ပြုတ် ကျတယ် ဆိုပြီး ရပ်ထဲရွာထဲမှာ သွားလျှောက်ပြောနေသလိုပဲ အခုဖြစ်နေတဲ့ ပြဿနာက ။ ပျားအုံကို ဒုတ်နဲ့သွားထိုးတာ လူတွေ မသိဘူး ။ အဲ့ဒီအကြောင်းအရင်းကိုလည်း သူတို့ကမပြောဘူး ။” – ဟု ပြန်လည်ဖြေကြားခဲ့သည် ။

၂၀၁၈ ဒီဇင်ဘာ ၁၁ ရက် နေ့က သျှမ်းပြည်တပ်မတော် RCSS တပ်ဖွဲ့ဝင် တပ်သား ၉ ဦးက ရွာအတွင်း ၀င်ရောက်ရန် လှုပ်ရွားသွားလာနေစဉ် လူအယောက် ၂၀ ခန့်ရှိသည့် ရွာသားက ဒုတ်၊ ဓါးများ ကိုင်ဆောင် ကာ ၀ိုင်းရံတိုက်ခိုက်ခဲ့သည့်အတွက် RCSS/SSA တပ်သား ၂ ဦး ဓါးဒဏ်ရာ အပြင်းအထန် ရရှိကြောင်း၊ RCSS/SSA ဘက်မှ ပြန်လည်ပစ်ခတ်သည့်အတွက် ရွာသား ၅ ဦးသေဆုံးပြီး ၃ ဦး ဒဏ်ရာ ရရှိသွား ကြောင်း RCSS/SSA ၏ ပြောခွင့်ရ ဗိုလ်မှူးစိုင်းဦး ကပြောသည်။

“ပြဿနာဖြစ်လာတာက စစ်သားတွေရဲ့ သေနတ်ကိုဝိုင်းလုတယ် ၊ ဓါးနဲ့ဝိုင်းခုတ်ကြတယ် စစ်သားတွေကနေ ကိုယ့်ကိုယ်ကိုယ် ကာကွယ်ဖို့ ၊ သူတို့ အသက်အန္တရယ် အတွက် ပြန်ပစ်ရာက ဒီလိုပြဿနာ တွေဖြစ်လာ ရတယ် ။ ပစ်တယ်ဆိုတာကလည်း သမင်သက်သက်ပစ်တာမဟုတ်ဘူး ။ ဒီကိစ္စနဲ့ပတ်သက်ပြီး ကျနော်တို့ဆီကို တရားဝင်ဆက်သွယ်လာ တာမျိုး မရှိဘူး ။ သူတို့ဖက်ကကြေငြာချက် တွေထုတ်ပြန်တာတွေပဲရှိတယ် ။ ကျနော်တို့ဘက်က တာဝန်ရှိသူတွေသူတို့ ဆီကို သွားရောက် ဆက်သွယ် ခဲ့ပါတယ် ။ သူတို့ဘက်က ဆဲဆိုလို့ ပြန်လာခဲ့ ရတယ် ။ တကယ်တမ်းသွားတွေ့တာက ဒီပြဿနာကို ကျနော်တို့ဘယ်လိုဖြေရှင်း ကြမလဲဆိုတာ ဆွေးနွေးချင်လို့သွားတာပါ ။ သူတို့ဘက်က ဆွေးနွေးဖို့ သဘောမတူဘူး ” ဟု ၄င်းက ဆက်လက်ပြောပြသည်။

သျှမ်းပြည်နယ်မြောက်တွင်ဖြစ်ပွားနေသော စစ်ပွဲများအပါအဝင် သျှမ်းပြည်နယ်အတွင်း သာမက ကချင် ပြည်နယ် အတွင်းရှိဒေသခံများ သတ်ဖြတ်ခံရသည့် ဖြစ်စဉ်များ နှင့် ပတ်သက်၍ နောင်တွင် အလားတူဖြစ် ရပ်မျိုးထပ်မံ မဖြစ်ပွားစေရေး တာဝန်ရှိသူ များမှ တာဝန်ယူ ဆောင်ရွက်ပေးနိုင်ရန် တောင်းဆိုကြောင်း ညွန့်ဇော်ကကဆက်လက်ပြောသည် ။

အဆိုပါဆန္ဒပြပွဲနဲ့ပတ်သက်ပြီး နိုင်ငံတော်သမ္မတနှင့် သျှမ်းပြည်နယ် ၀န်ကြီး ချုပ်ထံကို လည်း အိတ်ဖွင့်စာပေး ပို့သွားမည် ဖြစ်ပြီး တောင်ကြီးခရိုင် ၊ လွိုင်လင်မြို့နယ် ၊ လွိုင်ကော် မြို့နယ် စသည့်မြို့နယ်မှ ပအိုဝ်းတိုင်းရင်း သားများ အင်အား သုံးထောင်ဝန်း ကျင် ခန့်ချီတက် ဆန္ဒပြခဲ့ကြောင်း သိရှိရပါသည် ။