ခေတ်မှီတိုးတက်သော ပညာရေးစနစ်အဖြစ်ဖော်ဆောင်ရန်ရည်ရွယ်ပြီး ဒေသန္တရပညာရေးကော်မတီ (သျှမ်းပြည်နယ်)အတွက်ဖွဲ့စည်းလိုက်ကြောင်းသိရသည်။
၂၀၁၈ နို၀င်ဘာလ ၃ ရက်နေ့က တောင်ကြီးမြို့ သျှမ်းစာပေနှင့်ယဉ်ကျေးမှုအသင်းရုံးတွင် သံဃာတော်များနှင့် လူမှုအခြေပြုအဖွဲ့အစည်းများတွေ့ဆုံကာ ဖွဲ့စည်းလိုက်ခြင်းဖြစ်သည်။
“အစိုးရပိုင်းကတော့မပါဘူး။ ဒါပေမယ့် အစိုးရရဲ့ပညာရေးပိုင်းဆိုင်ရာနဲ့ချိတ်ဆက်ပြီးတော့ လုပ်ငန်းတွေဆောင်ရွက် သွားဖို့ရှိပါတယ်။ မွန် ကချင် ကရင် ကယား သူများတွေ အမျိုးသားကျောင်းရှိတယ် ။ ကိုယ့်သျှမ်းပြည်မှာလည်း ပညာရေးဖွံ့ဖြိုး ရေးအတွက်ကောင်းကောင်းဆောင်ရွက် ပေးဖို့အတွက် ရည်ရွယ်ပါတယ်။ ဒါကြောင့် ဆရာတော် သံဃာတော်တွေရဲ့ သြဝါဒကို ခံယူပြီးအခြေခံဥပဒေ ၊ နည်းဥပဒေ နှင့်အညီ ဖွဲ့စည်းလိုက် တာဖြစ် ပါ တယ်။ “– ဟု အလုပ်အမှုဆောင်ကော်မတီဝင် တောင်ကြီးမြို့ သျှမ်းစာပေနှင့်ယဉ်ကျေးမှုအသင်းမှ နန်းနွန်းမို ကပြောသည်။
လိုအပ်ပါက အလုပ်အမှုဆောင်ကော်မတီ ထုတ်နှုတ်ဖြည့်ဆည်းသွားရန် ၊ အလုပ်အမှုဆောင်ကော်မတီမှ ပညာရေးကော်မတီ၏ ဖွဲ့စည်းပုံဥပဒေရေးဆွဲရန်၊ ကော်မတီအစည်းအဝေးပြန်ခေါ်ပြီးတော့မှ ဆွေးနွေး သဘောတူညီချက်ရယူရန် – အစရှိဆုံးဖြတ်ချက်များ ပါရှိကြောင်းသိရသည်။
ဒေသန္တရပညာရေးမြင့်တင်ရေးအတွက်ရည်ရွယ်ပြီး ၊ ဒေသတွင်းလူငယ်များ ကောင်းမွန်ပြည့်စုံစွာ ပညာ သင်ယူခွင့်ရရှိရေး မိမိဘဝ ဖွံ့ဖြိုးတိုးတက်ရေးအတွက် မြှင့်တင်သွားနိုင်ရန် ရည်ရွယ်ကြောင်း သိရပါသည်။
ကော်မတီတွင် ဥက္ကဌ အဖြစ် ဆရာကြီး ဦးစိုင်းခမ်းမိန်း (CTS’ ဒါရိုက်တာ) ၊ ဒုဥက္ကဌ အဖြစ် ဦးစိုင်းနွံသောင်း ၊ အတွင်းရေးမှူးအဖြစ် ဦးစိုင်းမောင်တင် (သျှမ်းစာ/ယဉ် အသင်းဥက္ကဌ )၊ တွဲဘက်အတွင်းရေးမှူအဖြစ် ဦးစိုင်းဇော်ဇော် တို့အားရွေးချယ်တင်မြှောက်ထားကြပြီးနာယကအဖွဲ့ဝင် ၈ ဦး ၊ ကော်မတီဝင် ၄၇ ဦး ၊ အကြံပေး ပုဂ္ဂိုလ် ၄ ဦး တို့နှင့် ၄င်းတို့ထဲမှ အလုပ်အမှုဆောင် ၂၄ ဦး တို့အား ရွေးချယ် ဖွဲ့စည်းထားသည်ဟုသိရသည်။
Leave a Comments