သျှမ်းပြည်တွင်း သံဃာတော်များနှင့်လူထု အေးချမ်းသာယာစွာနေထိုင်နိုင်ရေးရှေးရှုပြီး သံဃာတော်များက သျှမ်းပြည်တပ်မတော် ၂ ခု အမြန်တွေ့ဆုံဖြေရှင်းကြရန်တိုက်တွန်း လိုက်သည်။

အောက်တိုဘာလ ၁၈ ရက်နေ့က သျှမ်းပြည်တွင်း ၁၃ ခရိုင်ရှိ သံဃာတော်ထုက သျှမ်းပြည်ပြန်လည်ထူ ထောင်ရေးကောင်စီ /သျှမ်းပြည်တပ်မတော် RCSS/SSA ၊ သျှမ်းပြည်တိုးတက်ရေးပါတီ/ သျှမ်းပြည် တပ်မတော် SSPP/SSA တို့ထံလည်းကောင်း၊ သျှမ်းတိုင်းရင်းသားများဒီမိုကရေစီအဖွဲ့ချုပ် SNLD နှင့် သျှမ်းတိုင်းရင်းသားများ ဒီမိုကရက်တစ်ပါတီ SNDP တို့အားလည်းကောင်း စာများအသီးသီးပေးပို့ခဲ့သည်။

“ပင်လုံမြို့မှ သံဃာတော်တပါးက- ဘုန်းဘုန်းတို့ အခုလို စာရေးသားပေးပို့ရတာက သျှမ်းပြည်တပ်မတော် ၂ ဖွဲ့ ကနေ သျှမ်းသံဃာတော်တွေရဲ့မျက်နှာ သျှမ်းပြည်လူထုရဲ့မျက်နှာကို ထောက်ရှုခြင်းအားဖြင့် မြန်မြန်ပူးပေါင်းစေ ချင်တယ်။ ဒို့ညီအကိုမောင်နှမ အချင်းချင်း မချစ်ရင် မသနားရင် မကူညီကြရင် ဘယ်သူက လာပြီး ကူညီမလဲ၊ ဒါကြောင့် တကယ်ဘဲ မျိုးချစ်စိတ်ဓါတ်ရှိရင် သျှမ်းတပ်မတော် ၂ ဖွဲ့ ပေါင်းစည်းကြပါ။ သျှမ်းပြည်လူထု အေးချမ်း စွာ နေ ထိုင်စေလိုတဲ့ဆန္ဒတကယ်ရှိခဲ့မယ်ဆိုရင် သျှမ်းတပ် ၂ ခု သျှမ်းပါတီ ၂ ခု ပေါင်းစည်းကြပါလို့တိုက်တွန်း ချင်တယ် “– ဟု သျှမ်းသံတော်ဆင့်အားမိန့်တော်မူသည်။

သျှမ်းပြည်မြောက်ပိုင်း လက်နက်ကိုင်ပဠိပက္ခကြောင့် ရွှေကျင်ကျောင်းတိုက် ကျောင်းထိုင်ဆရာတော်အား လက်နက်ကိုင်လူ ၂ ယောက်က ၀င်ရောက်ပစ်ခတ်သတ်ဖြတ်သဖြင့် သက်တော် ၄၇ နှစ် ၀ါတော် ၂၇ ၀ါရှိ ကျောင်းထိုင်ဆရာတော်မှာ ပျံလွန်တော်မူသွားခဲ့သည်။ အဆိုပါဖြစ်စဉ်မှာ အမျိုးသားရေး အကွဲအပြဲကြောင့်ဖြစ်ရ ကြောင်း၊ ထိုသို့သောဖြစ်စဉ်မျိုး ထပ်မဖြစ်စေလိုကြောင်း သျှမ်းပြည်တွင်းသံဃာထုက မိန့်တော်မူပါသည်။

၂၀၁၈ သြဂုတ်လ ၂၀ ရက် နေ့ကလည်း သျှမ်းပြည်ငြိမ်းရေးအတွက် သျှမ်းသံဃာထုတရပ်လုံး က တရက်တည်း တချိန်တည်း ပရိတ်ရွတ်ဖတ်ခဲ့ကြပါသေးသည်။