သျှမ်းပြည်နယ် အရှေ့ပိုင်း တာချီလိတ် ခရိုင် မိုင်းဖုန်းကျေးရွာ အုပ်ရွာ ဝှေလေလန် ကျေးရွာတွင် အောက်တိုဘာ ၃ ရက်နေ့ မနက် ၈နာရီခွဲတွင် အမျိုးသမီး တဦးကို အမည်မသိ အမျိုးသား ၅ ဦးမှ အတင်းအဓမ္မ ဖမ်းဆီး ခေါ်ဆောင် သွားကြောင်း သတင်းရရှိသည်။
ဖြစ်စဉ်မှာ အသက် ၅၀ အရွယ် ပါ့အီနန်း ၏ နေအိမ် စျေးဆိုင် တွင် စျေးရောင်းနေစဉ် အမည်မသိ အမျိုးသား ၄ ဦးမှ သေနတ်များဖြင့် ခြိမ်းခြောက်ကာ ဖမ်းဆီးခေါ်ဆောင်းသွားကြောင်း တာချီလိတ် ဒေသခံ အမျိုးသားတဦးက ပြောပြသည်။
“ ဘယ်က အဖွဲ့ဆိုတာတော့ မသိရသေးဘူး။ တချို့ကတော့ အရောင်းအဝယ် ကိစ္စကြောင့် ဖမ်းဆီးသွားတယ်လို့ ကြားရတယ်။ ပါ့အီနန်း က အိမ်မှာ စျေးရောင်းနေချိန် သေနတ်နဲ့ ခြိမ်းခြောက်ပြီး ဆွဲခေါ်သွားတာ” ဟု အဆိုပါ အမျိုးသား က ဆိုသည်။
ပါ့အီနန်းကို ဖမ်းဆီးခေါ်ဆောင်သွားသည့် အမျိုးသား ၅ ဦးမှာ မျက်နှာတွင် ပုဝါစည်းထားပြီး၊ ဦးထုပ်ဆောင်းထားကြောင်း၊ ယင်း ကိစ္စနှင့် ပတ်သတ်ပြီး စုံစမ်းစစ်ဆေးနေသေးကြောင်း၊ မည်သည့် အဖွဲ့ ဆိုတာ သေချာ မသိသေးကြောင်း ဟု တာချီလိတ်မြို့ မ ရဲစခန်းမှ ပြောသည်။