နို၀င်ဘာလ ၃ ရက်နေ့တွင် ကျင်းပမည့် ကြားဖြတ်ရွေးကောက်ပွဲအတွက် သျှမ်းတိုင်းရင်းသားများဒီမိုက ရက်တစ်ပါတီ SNDP မှ မန္တလေးတိုင်းအတွင်းနှင့် သျှမ်းပြည်နယ်လဲချားမြို့နယ်အတွင်းစည်းရုံးရေး ဆင်းနေပြီဖြစ်ကြောင်းသိရသည်။
မန္တလေးတိုင်း သျှမ်းတိုင်းရင်းသားရေးရာဝန်ကြီးအတွက် ယှဉ်ပြိုင်မည့် ကျားဖြူပါတီမှ ဦးစိုင်းကျော်အုန်းနှင့် လဲချားမြို့နယ်တွင် ယှဉ်ပြိုင်မည့် စိုင်းရွှေဆိုင်းတို့မှ စက်တင်ဘာလဆန်းကစပြီး စည်းရုံးရေးဆင်းနေပြီဖြစ် ကြောင်းသိရသည်။
“သျှမ်းတိုင်းရင်းသားများဒီမိုကရက်တစ်ပါတီ ဥက္ကဌ စိုင်းအိုက်ပေါင်းက – ဒီ ၂ နေရာကို ကျနော်တို့ ကျားဖြူပါတီက အနိုင်ရရင် ကျနော်တို့သျှမ်းလူမျိုးအတွက် လူ့အခွင့်အရေး မျှတစွာရရှိရေး အတွက်လုပ်ဆောင်ပေးမယ်။ လမ်းပန်း ဆက်သွယ်ရေးလွယ်ကူချောမွေ့အောင်လုပ်ပေးမယ်။ ပညာရေး၊ ကျန်းမာရေး၊လျှပ်စစ်မီးရရှိရေး စတာတွေအတွက်လုပ်ပေးမယ်။” – ဟု သျှမ်းသံတော်ဆင့်အားပြောသည်။
မန္တလေးတိုင်းဒေသကြီးရှိ သျှမ်းတိုင်းရင်းသားရေးရာဝန်ကြီးနေရာအတွက် ကျားခေါင်းပါတီမှ နန်းထွေးမှုံ၊ ကျားဖြူပါတီမှ စိုင်းကျော်အုန်းနှင့် ကြံ့ခိုင်ရေးပါတီမှ စိုင်းအောင်ကြည် ၊ NLD ပါတီမှ စိုင်းပန်းဆိုင်တို့မှလည်း ၀င်ရောက်ယှဉ်ပြိုင်မည်ဖြစ်သည်။ ထို့အပြင် တသီးပုဂ္ဂလအနေဖြင့်လည်း ၁ ဦး ၀င်ရောက်ယှဉ်ပြိုင်မည်ဖြစ် ကြောင်းသိရသည်။
လဲချားမြို့ပြည်သူ့လွှတ်တော်ကိုယ်စားလှယ်အတွက် ကျားဖြူပါတီမှ စိုင်းရွှေဆိုင်း၊ ကျားခေါင်းပါတီမှ စိုင်းဥက္ကာနှင့် အမျိုးသားဒီမိုကရေစီအဖွဲ့ချုပ်မှ စိုင်းအောင်ထွန်းလေး တို့က ၀င်ရောက်ယှဉ်ပြိုင်မည်ဖြစ် ကြောင်းသိရသည်။
