စစ်ကောင်စီက ယာယီပစ်ခတ်တိုက်ခိုက်မှုရပ်စဲရေး ထုတ်ပြန်ကြေညာထားသော်လည်း KIA, TNLA,KNDF,KNPP နှင့် AA တို့က စစ်တပ်အား ဝိုင်းဝန်းတိုက်ခိုက်ခံနေရကြောင်း ဧပြီလ ၇ ရက်နေ့က စစ်ကောင်စီ ပြောခွင့်ရ ဗိုလ်ချုပ်ဇော်မင်းထွန်းက စစ်ကောင်စီပိုင် သတင်းဌာနများမှတဆင့် ပြောဆိုလာသည်။
ဧပြီလ ၂ ရက်နေ့မှ ၂၂ ရက်နေ့အတွင်း စစ်ကောင်စီအနေဖြင့် ယာယီပစ်ခတ်တိုက်ခိုက်မှု ရပ်စဲရေး ထုတ်ပြန်ကြေညာထားသော်လည်း ဧပြီလ ၆ ရက်နေ့အထိ ကချင်လွတ်မြောက်ရေးတပ်မတော် KIA က ဗန်းမော်မြို့တွင်ရှိသည့် စစ်ကောင်စီ ဌာနချုပ်များကို လက်နက်ကြီးဖြင့် ပစ်ခတ်တိုက်ခိုက်နေကြောင်း ဆိုသည်။
အလားတူ နောင်ချိုင်မြို့နယ် တောင်းခမ်းဒေသတွင် တအာင်း (ပလောင်) အမျိုးသားလွတ်မြောက်ရေး တပ်မတော် TNLA နှင့် ထိတွေ့တိုက်ပွဲ ဖြစ်ပွားနေကြောင်း၊ ကရင်နီအမျိုးသားများကာကွယ်ရေးတပ် KNDF နှင့် ကရင်နီတပ်မတော် KNPP တို့ကလည်း ဘော်လခဲမြို့ သစ်တောရုံးအနီးရှိ စစ်ကောင်စီတပ်ဖွဲ့ဝင်များကို ပစ်ခတ်တိုက်ခိုက်ခဲ့ကြောင်း၊ အာရက္ခတပ်တော် AA ကလည်း ဂွမြို့နှင့် ကျောက်ဖြူမြို့ရှိ စစ်ကောင်စီ တပ်စခန်းကို ပစ်ခတ်ခဲ့ကြောင်း ၎င်းကဆိုသည်။
အင်အားပြင်း ငလျင်လှုပ်ခတ်ခဲ့မှုကြောင့် အများပြည်သူများ ဒုက္ခရောက်နေချိန် စစ်ကောင်စီတပ်သည် အပစ်ရပ်ကြေညာချက်ကို ချိုးဖောက်ကာ ကျေးရွာများကို ဗုံးကြဲတိုက်ခိုက်နေလျက် ရှိသည်။
Leave a Comments