ထိုင်း-မြန်မာနယ်စပ် မဲဆောက်မြို့မှ တဆင့် မြန်မာဘက်သို့ လူကုန်ကူးခံရသည့် တရုတ်မင်းသား ဖြစ်ရပ်ပြီးနောက် ထိုင်းအာဏာပိုင်များသည် ကျားဖြန့်လုပ်ငန်းဖြင့် လူကုန်ကူးမှုမခံရအောင် သတိပေးဆိုင်းဘုတ်များကို နယ်စပ်မျဉ်းတလျှောက်တွင် စိုက်ထူးကြေညာထားသည်။ 

ထိုသတိပေးဆိုင်းဘုတ်တွင်လည်း တရုတ်ဘာသာစကား၊ ထိုင်းဘာသာစကားနှင့် အင်္ဂလိပ်ဘာသာစကားတို့ဖြင့် ရေးသားသတိပေးထားသည်။ 

ပြီးခဲ့သည့် ဇန်နဝါရီ ၇ ရက်တွင် ထိုင်းနိုင်ငံ မဲဆောက်မြို့မှ တဆင့် မြန်မာနိုင်ငံ​ ကျားဖြန့်လုပ်ငန်းရှိသည့် ရွှေက္ကိုလ်မြို့သို့ လူကုန်ကူးခံရသည့် တရုတ်သရုပ်ဆောင် Wang Xing နှင့် တရုတ်နိုင်ငံသား ၅၀ဉီး ကို ထိုင်းအာဏာပိုင်များက ကယ်ထုတ်ပေးနိုင်ခဲ့သည်။

 ထို့နောက်ပိုင်းတွင်လည်း တရုတ်သရုပ်ဆောင်နှစ်ဉီးခန့်လည်း ထိုင်းနိုင်ငံမှ တဆင့် နယ်စပ်တဝှိက်တွင် ပျောက်ဆုံးမှုဖြစ်စဉ်များရှိခဲ့ကြောင်း သိရသည်။

ထို့ကြောင့် ထိုင်းအာဏာပိုင်များက ကျားဖြန့် အွန်လိုင်းငွေလိမ်လည်ဂိုဏ်းများ၏ ဖြားယောင်းမှုကို ထပ်မံမခံရအောင် မြန်မာ-ထိုင်းနယ်စပ် ဖြစ်သည့် မဲဆောက်၊ အုန်းဖန်၊ ဖွတ်မရ၊ မယ်လမ၊ ထာ့ဆောင်ရမ်း စသည့် မြို့နယ် ၅နေရာရှိ လမ်းမဘေးတလျှောက် လုံခြုံရေးတိုးချထားခြင်း၊ လူကုန်ကူးဆိုင်းဘုတ် ထောင်ထားခြင်းများ ပြုလုပ်ထားသည်။

“မဲဆောက်လမ်းတစ်လျှောက်နဲ့ အနီးတဝိုက်ကရှိတဲ့မြို့တွေလည်း သတိပေးဆိုင်းဘုတ်တွေ စိုက်ထူကြတယ်။ တရုတ်ဘက်က တစ်ယောက်ပြီးတစ်ယောက်ဆက်တိုက်ပျောက်နေတော့ နယ်စပ်မှာ စစ်ဆေးမှုတွေလည်း တင်းကြပ်လာတယ်”ဟု မဲဆောက်မြို့ရောက် မြန်မာရွှေ့ပြောင်းအလုပ်သမားတစ်ဉီးက သျှမ်းသံတော်ဆင့်ကိုပြောသည်။ 

ထိုင်း-မြန်မာနယ်စပ်တလျှောက်တွင် တရုတ်နိုင်ငံသားများ ပျောက်ဆုံးခြင်း၊ လူကုန်ကူးခံရခြင်းတို့ကြောင့် အရှေ့တောင်အာရှနိုင်များအနေဖြင့် အွန်လိုင်းလောင်းကစား၊ကျားဖြန့်ငွေလိမ်ဂိုဏ်းများကို ပြတ်သားစွာ စီမံချက်များဖြင့် ဆောင်ရွက်ကြရန် တရုတ်နိုင်ငံခြားရေးဝန်ကြီး Wang Yi က ဇန်နဝါရီ ၁၆ ရက်တွင် အာဆီယံနိုင်ငံများသို့ တောင်းဆိုခဲ့သည်။

ထိုင်း-မြန်မာနယ်စပ်တလျှောက် အွန်လိုင်းလောင်းကစားနှင့် ကျားဖြန့်ငွေလိမ်လည်မှုများက တရုတ်နိုင်ငံသားများနှင့် အခြား နိုင်ငံသားများကိုလည်း ခြိမ်းခြောက်နေသည့်အပြင် အန္တရာယ်ရှိနေကြောင်း တရုတ်နိုင်ငံခြားရေးဝန်ကြီးက ဆိုသည်။ 

ထို့ပြင် ထိုင်းနိုင်ငံမှတဆင့် တရုတ်သရုပ်ဆောင်နှင့် တရုတ်နိုင်ငံသားများ မကြာခဏ လူကုန်ကူးမှုခံနေရသည့ ကျားဖြန့် ကြီးထွားသည့် မြဝတီမြို နေရာတွင်လည်း ဇန်နဝါရီ ၁၅ရက်တွင် BGF ခေါင်းဆောင်များက ငွေလိမ်လည်ခြင်း၊ လူကုန်ကူးခြင်း အပါအဝင် ရာဇဝတ်မှုများ ကျူးလွန်လျှင် တရုတ်လုပ်ငန်းရှင်များကို လုပ်ငန်းပိတ်သိမ်း နယ်နှင်မည်ဟု ခေါ်ယူပြောဆိုကြောင်း ခဲ့သည်ဟု သတင်းထွက်ပေါ်လာသည်။  

အလုပ်သင် သတင်းထောက် နန်းဆိုင်ခမ်း ရေးသားသည်။