ထိုင်း-မြန်မာနယ်စပ် တာာချီလိတ်မြို့အနီး လွယ်စတုံးကျေးရွာတွင် တရုတ်နိုင်ငံသား အယောက်(၅၀) ကျော်ကို စစ်ကောင်စီလက်အောက်ခံ ရဲဌာနနှင့် ပြည်သူစစ်အဖွဲ့များ သွားရောက်ဖမ်းဆီးထားမိကြောင့် စုံစမ်းသိရသည်။
ယမန်နေ့ (ဒီဇင်ဘာလ ၁၀ရက်)နေ့ နံနက်ပိုင်းအချိန်တွင် စစ်ကောင်စီလက်အောက်ခံ ရဲဌာနနှင့် ပြည်သူစစ် အဖွဲ့များ တာချီလိတ်မြို့အနီး လွယ်စတုံကျေးရွာအတွင်းတွင် နေထိုင်နေသည့် တရုတ်နိုင်ငံသား အယောက် (၅၀) ကျော်ကို သွားရောက်ဖမ်းဆီးထားမိကြောင်း သိရှိသူတစ်ဦးက သျှမ်းသံတော်ဆင့်ကို ပြောသည်။
“မနေ့က မနက်ပိုင်း လွယ်စတုံကျေးရွာမှာ စစ်တပ်လက်အောက်ခံ ရဲတပ်ဖွဲ့နဲ့ ပြည်သူစစ်တွေ အားလုံးပေါင်းပြီးဖမ်းကြတာ ဒါမဲ့ ရဲကပဲ ထုတ်ပြန်ချက်ထုတ်ရတာပေါ့။ တရုတ်နိုင်ငံသား အယောက် (၅၀) ကျော်တယ် မိန်းကလေးလည်း ပါတယ်။ ရွာကတော့ ရဲတွေတောင်းတဲ့ အခွန်ဆောင်ငွေကို မပေးလို့ လာဖမ်းကြတာတဲ့” ဟု ၎င်းက ပြောသည်။
ထိုတရုတ်လူမျိုးများ ဖမ်းဆီးရမိသည့် လွယ်စတုံးကျေးရွာသည် တာချီလိတ်မြို့နှင့် ၇မိုင်ခန့်သာ ဝေးကွာသည်။
၎င်းဖမ်းဆီးရမိထားသည့် တရုတ်နိုင်ငံသား အယောက် (၅၀) ကျော်သည် လာအို ၊ ကမ္ဘာဒီးယား နိုင်ငံဘက်က ပြန်ဝင်လာသည့် တရားမဝင် နိုင်ငံခြားသားများဖြစ်ကြောင်းလည် ဒေသခံ အမျိုးသားတစ်ဦးက ပြောသည်။
အဆိုပါ တရုတ်နိုင်ငံသားများသည် ကျားဖြန့်လုပ်ငန်း သို့မဟုတ် တရားမဝင်ရွှေတူးဖော်ရေးလုပ်ငန်းများနှင့် ဆက်စပ်နေပြီး၊ စစ်ကေင်စီနှင့် ရဲတပ်ဖွဲ့က ဖမ်းဆီးရမိထားသည့် တရုတ်နိုင်ငံသားများကို မည်သို့ အရေးယူ ဆောင်ရွက် သွားမည် မသိရှိရသေးကြောင်း ၎င်းက ဆက်ပြောသည်။
“ဒီတရုတ်တွေက လာအိုနဲ့ ကမ္ဘာဒီးယားကနေ လာကြတာ။ တရုတ်ဘက်ကလည်း အရင်နှစ်တွေမှာ သူတို့နိုင်ငံသားကို ပြန်ခေါ်တယ် တရားဝင်ဖမ်းခွင့်လည်း ပြုထားတော့ ဖမ်းခံသူတွေရဲ့နောက်မှာ ဘယ်သူမ ရှိနေမှာ မဟုတ်ဘူး။ အခုလည်း ဘယ်လိုဆောင်ရွက်မယ် မသိရသေးဘူး၊ ကျားဖြန့်လုပ်ငန်းနဲ့ ရွှေတူးဖော်တဲ့ လုပ်ငန်းတွေ ခိုးလုပ်နေကြတာ ဖြစ်နိုင်တယ်”ဟု ၎င်းက ပြောသည်။
လက်ရှိ တာချီလိတ်မြို့တွင် တရုတ်လူမျိုးတွေ ထပ်မံများပြားလာခြင်းကြောင့် ကုန်ဈေးနှုန်းတွေလည်း အဆမတန် မြင့်တက်နေသည်ဟု ၎င်းက ပြောသည်။
တာချီလိတ်မြို့တွင် စံချိန်တင် ရေကြီးလိုက်ပြီးနောက်ပိုင်း နယ်မြေခံအာဏာပိုင်များရေကြီးမှုကို အာရုံစိုက်နေချိန် ကျားဖြန့် တကျော့ပြန်လှုပ်ရှားရန် အခွင့်အရေးရနေကြောင်း၊ လအလွန်ကြာ ကျားဖြန့်လုပ်ငန်းသည် တခန်းတာ ရပ်သွားရာ သြဂုတ်လလယ်ပိုင်းတွင် ကျားဖြန့် တရုတ်များ ပြန်ပြီး တကျော့ပြန် ဝင်လှုပ်ရှားနေသည်ဟု သိရသည်။
အလုပ်သင် သတင်းထောက် နန်းဆိုင်ခမ်း ရေးသားသည်။
Leave a Comments