သျှမ်းပြည် မိုင်းရယ်မြို့နယ်အတွင်း ကိုးကန့်တပ်ဖွဲ့ MNDAA သို့စစ်အင်အားဖြည့်ပြီးနောက် စစ်ကောင်စီမှ လေကြောင်းဖြင့် ဗုံးကြဲတိုက်ခဲ့ကြောင်း သိရသည်။
ကိုးကန့်တပ်ဖွဲ့ MNDAA နှင့် တော်လှန်ရေးတပ်ဖွဲ့တို့ မိုင်းရယ်မြို့နယ် ဟိုယကျေးရွာကို ပြီးခဲ့သည့် စက်တင်ဘာလ နောက်ဆုံးပတ်တွင် စစ်အင်အားများဖြည့်တင်းခဲ့ကြောင်း စစ်ရေးသတင်းရင်းမြစ် တစ်ဦးက သျှမ်းသံတော်ဆင့်ကိုပြောသည်။
“ကိုးကန့်တွေ နဲ့ PDF တော်လှန်ရေးတပ်ဖွဲ့တွေက သီပေါ၊နောင်ကော်ဘက်ကနေ ဟိုဟရွာကို စစ်အင်အား ဖြည့်လာတာ။တော်လှန်ရေးတပ်ဖွဲ့တွေက သူတို့က မန္တလေး တစ်ကြောဖက်ကနေတက်လာကြတာ။ ဒီ ၃ ရက်အတွင်းကို သူတို့ အင်အားဖြည့်ပြီး ပိုလှုပ်ရှားနေတာ။” ဟု စစ်ရေးသတင်းရင်းမြစ် တစ်ဦးက ပြောသည်။
ထိုနောက် ပြီးခဲ့သည့် (စက်တင်ဘာလ ၂၉ ရက်) ညတွင် ကောင်းနောင်ကျေးရွာကို စစ်ကောင်စီ မှ လေယာဉ် ၃ စီး ဖြင့် ဗုံးကြဲတိုက်ခိုက်ခဲ့ပြီးဒေသခံများ စိုးရိမ်နေရကြောင်း မိုင်းရယ်မြို့နယ် ဒေသခံအမျိုးသားတစ်ဦး က သျှမ်းသံတော်ဆင့်ကို ဆက်ပြောသည်။
“လေယာဉ် ၃ စီး နဲ့ ဗုံး ၇ လုံးလောက် ကျသွားတယ်။ကိုးကန့်ကလည်း အင်အားဖြည့်ဝင်လာတော့ စစ်ကောင်စီကလည်း အဲ့လိုလျှောက်ပစ်တာပေါ့။ဒေသခံတွေကတော့ စိုးရိမ်နေကြတော့ နီးစပ်ရွာကို ပြေးကြ တယ်။ကိုးကန့်တပ်ဖွဲ့ တွေ ရွာတွေထဲရှိနေတော့ စစ်ကောင်စီက ရွာထဲကိုပစ်တာ။”ဟု မိုင်းရယ်မြို့နယ် ဒေသခံအမျိုးသားတစ်ဦးက ပြောသည်။
စစ်ကောင်စီဖက် မှ တစ်ဖက်သက် လက်နက်ကြီး၊ လေကြောင်းလိုင်းဖြင့် ဗုံးကြဲတိုက်နေသည့် အပြင် ဉပဒေကင်းမဲ့နေသည့် နိုင်ငံဖြစ်နေသည့် အတွက် စစ်ကောင်စီမှ ကိုးကန့်တပ်ဖွဲ့ MNDAA ကို ကျူးကျော်စစ်အဖြစ် သဘောထား၍ တိုက်ခိုင်နေကြောင်း စစ်ရေးသတင်းရင်းမြစ်တစ်ဦးက ထပ်မံလောင်းပြောသည်။
“ဒီပြည်တွင်း မှာ ဉပဒေဆိုတာမရှိတော့ဘူး။ အခုက ကိုးကန့်တွေကို ကျူးကျော်စစ်လို့ စစ်ကောင်စီက သဘောထားပြီး လေယာဉ်တွေနဲ့ တုန့်ပြန်နေတာလေ။ တောက်လျှောက် သူတို့က ပစ်မှာပဲ။ မိုးကုန်ရင် သူတို့ ဆက် ချမှာပဲ ကိုယ်ပိုင်းအုပ်ချုပ်ခွင့်ကို ဘယ်သူကိုမှ မပေးနိုင်တာ။”ဟု စစ်ရေးသတင်းရင်းမြစ်တစ်ဦးက ပြောသည်။
စစ်ကောင်စီမှ လက်ရှိတွင် လက်လွှတ်ဆုံးရှုံသွားသည့် လားရှိုးမြို့ အရှေ့မြောက်တိုင်းစစ်ဌာနချုပ် (ရမခ)ကို လေယာဉ်ဖြင့် စက်တင်ဘာ ၃၀ ရက်ထိ ဗုံးကြဲတိုက်ခိုက်နေကြောင်း သိရသည်။
လက်ရှိ မိုင်းရယ်မြိုနယ်တွင် ‘ဝ’တပ်ဖွဲ့ UWSA ၊ ကိုးကန့်တပ်ဖွဲ့ MNDAA ၊ ရှမ်းပြည်တိုးတက်ရေးပါတီ/ ရှမ်းပြည်တပ်မတော် SSPP/SSA၊ တော်လှန်ရေးတပ်ဖွဲ့ နှင့် စစ်ကောင်စီတပ်တို့ သွားလာလှုပ်ရှားသည့် ဒေသဖြစ်သည်။
Leave a Comments