သျှမ်းပြည်နယ်တောင်ပိုင်း၊ တောင်ကြီးမြို့နယ် ကျောက်နီကျေးရွာစုတွင် စစ်ကောင်စီတို့က စစ်မှုထမ်းအတွက် ငွေကြေးကောက်ခံနေကြောင်းသိရသည်။
ပြီးခဲ့သည့် ဇူလိုင်လ နောက်ဆုံးပတ်မှ စပြီး စစ်ကောင်စီတပ်မှ တစ်အိမ်လျှင် ကျပ်ငွေ( ၅သောင်း) ကောက်ခံနေကာ စစ်မှုထမ်းရန်အတွက် ဒေသခံများကို ခေါ်ယူစုဆောင်းနေကြောင်း ဒေသခံများထံမှ သိရသည်။
“စစ်တပ်ကလည်းလာကောက်တယ်။ စစ်မှုထမ်းအတွက်လည်း လူပေးနေရတယ်။ နောက်ကျရင် ပအိုဝ်းပြည်သူ့စစ် (PNO) ရော လာကောက်မယ် ပြီးရင် စစ်မှုထမ်းလာခေါ်မယ်ကြားနေတယ်။ အကုန်ကြောက်နေရတယ်။” ဟု ဒေသခံ တစ်ဦးက ပြောသည်။
ထိုသို့ ငွေကြေးကောက်ခံနေသောကြောင့် ဒေသခံများအတွက် ငွေကြေးခက်မှုနှင့် စားဝတ်နေရေးအဆင်မပြေမှုပါ ကြုံနေရသည်။
“ ပြောင်းတွေ စိုက်ထားတဲ့ဟာလဲ အကုန်ရှုံးပဲ၊ သူများဆီက အကြွေးယူပြီး စိုက်ထားရင်းနဲ့ အကြွေးထဲနစ်နေပြီ။ ခုလက်နက်ကိုင် တပ်တွေက ငွေတွေ လာလာကောက်တော့ ပိုပြီး ခက်ခဲတာပေါ့။ ကိုယ်စားဖို့ရှာတာထက် သူတို့ကို လတိုင်းပေးဖို့ ငွေရှာနေရသလိုပဲ။ ကိုအငတ်ခံပြီး ပေးနေရတယ်။” ဟု အဆိုပါ ဒေသခံ အမျိုးသမိးက ထပ်လောင်းပြောသည်။
လက်ရှိကျောက်နီဖက်တွင် စက်သုံးဆီ ပြတ်လပ်မှုနှင့် ကုန်ဈေးနူန်းမြင့်တက်မှာအပြင် လက်နက်ကိုင်တပ်များမှ အတင်းငွေကောက်ခံမှုဖြင့် ကြုံနေကြသောကြောင့် ပို၍ခက်ခဲနေကြသည်။
ကျောက်နီ ကျေးရွာအုပ်စုတွင် ဓနုလူမျိုးများအပြင် ပအိုဝ်းလူမျိုးများလည်း နေထိုင်ကြသည်။
အလုပ်သင် သတင်းထောက် နန်းလရောင် ရေးသားသည်။
Leave a Comments