သျှမ်းပြည်မြောက်ပိုင်း တအာင်းတပ်မတော် (TNLA)ထိန်းချုပ်ထားသည့် နမ့်ဆန်မြို့နယ်တွင် တိုက်ပွဲဖြစ်ပွားမှုမရှိဘဲ စစ်ကောင်စီမှ ဂျက်လေယာဉ်ဖြင့် လာရောက်ဗုံးကြဲခဲ့ပြီး၊ အရပ်သားတစ်ဦးသေဆုံးခဲ့ကြောင်း သတင်းရရှိသည်။
ယမန်နေ့ ( ဩဂုတ် ၁၂) ရက် ည ၁၁နာရီ ကျော်တွင် စစ်ကောင်စီမှ လာရောက်ဗုံးကြဲကာ နေအိမ်အဆောက်အဦး ပျက်စီးမှုများရှိပြီး၊ အမျိုးသားတစ်ဦးထိခိုက်သေဆုံးခဲ့ကြောင်း မြို့နယ်ခံ အမျိုးသားတစ်ဦးက သျှမ်းသံတော်ဆင့်ကို ပြောသည်။
‘’မနေ့ည သန်းခေါင်အချိန်မှာ စစ်ကောင်စီလာရောက်ဗုံးကြဲသွားတယ် ။ ပေါင် ၅၀၀ ဗုံးကြဲသွားကြောင့် အမျိုးသားတစ်ဦး သေဆုံးသွားတယ် ။ EPC ရုံး၊ လက်ဖက်ရုံတို့ဘက်တွေဆို ပေါင် ၅၀၀ ဗုံးနဲ့ ၆လုံး ကြဲသွားတယ် ‘’ ဟု ၎င်းအမျိုးသားက ပြောသည်။
ဗုံးကြဲပြီးနောက် ဒေသခံအချို့ ရွာဘက်တွေထွက်ပြေးတိမ်းရှောင်ကာ တိုက်ပွဲပြန်ဖြစ်မည်ကို စိုးရိမ်နေကြသည်။
‘’ မနေ့ညက ဗုံးလာကြဲပြီးကတည်း တချို့ဒေသခံတွေ ထွက်ပြေးနေကြတယ် ။ တိုက်ပွဲဖြစ်မှာကို စိုးရိမ်ကြတယ်။ ကြိုတင်ပြင်ဆင်ထားမှ ရမယ် အခြေနေက ဘယ်လို့ရှိလာမလည်း မသိဘူး’’ဟု ၎င်းအကြောင်းကို သိရှိသည့် အမျိုးသမီးတစ်ဦးက ပြောသည်။
စစ်ကောင်စီမှ လာရောက်ဗုံးကြဲတိုက်ခိုက်ခဲကြောင့် နမ့်ဆန်မြို့ရပ်ကွက်ပေါ်သို့ ကျရောက်ပေါက်ကွဲ လူထိခိုက်မှုနှင့် ပျက်စီးဆုံးရှုံးမှု အများအပြားရှိသော်လည်း အသေးစိတ်ကို မသိရသေးပေ။
နမ့်ဆန်မြို့ကို တအာင်း(ပလောင် )အမျိုးသားလွတ်မြောက်ရေးတပ်မတော် (TNLA) က ၂၀၂၃ခုနစ် ဒီဇင်ဘာ ၁၅ရက်တွင် အလုံးစုံသိမ်းပိုက်နိုင်ခဲ့သည့် မြို့ဖြစ်သည်။
အလုပ်သင် သတင်းထောက် နန်းဆိုင်ခမ်း ရေးသားသည်။
Leave a Comments