လက်ရှိအချိန်တွင် လားရှိုးမြို့ အခြေစိုက် အရှေ့မြောက်ပိုင်းတိုင်း စစ်ဌာနချုပ် (ရမခ) က မကျသေးဘဲ လုံခြုံရေးဂိတ်မှာ စစ်ကောင်စီတပ်သားတွေ လုံခြုံရေးလုပ်နေသေးတယ်ဆိုတဲ့ သတင်းတစ်ပုဒ် ဖြန့်ချိနေပါတယ်။

စစ်ကောင်စီဝါဒဖြန့် နေပြည်တော် တယ်လီဂရမ်ချယ်နယ်ကနေ ဖြန့်ချိခဲ့ပြီး လုံခြုံရေးဂိတ်စောင့်နေတဲ့ စစ်သားပုံနဲ့အတူ ဖော်ပြထားပါတယ်။

၎င်းက “ရမခတိုင်းနားသီနိုင်ဖို့ အဝေးကြီး၊ အမှတ် ၂ ရဲစခန်းနားထောင် မကပ်နိုင်ဘူး ရပ်ကွက် ၁၂ ထဲဝင်လာတဲ့ ကိုးကန့်တွေလည်း အသေထွက်ချည်းပါဘဲ” လို့ (မူရင်းအတိုင်း) ရေးသားဖော်ပြထားတာပါ။

အဆိုပါ သတင်းအမှားကို ကြည့်ရှု့သူပေါင်း ၈၀၀၀ ထောင်ကျော်ပြီး နေပြည်တော်တယ်လီဂရမ်ချယ်နယ်အပြင် အခြားတယ်လီချယ်နယ်ကပါ ဖြန့်ဝေထားကြပါတယ်။

မူရင်းလင့်ခ် – https://archive.ph/v1rEF

သတင်း စစ်ဆေးခြင်း

သျှမ်းသံတော်ဆင့် အချက်အလက်စစ်ဆေးသူများအနေဖြင့် အဆိုပါအကြောင်းအရာကို စစ်ဆေးကြည့်တဲ့အခါမှာ လုပ်ကြံရေးသားထားတဲ့ ဝါဒဖြန့်သတင်းအတုဖြစ်နေတာကို တွေ့ရပါတယ်။

သတင်းမှားဖြန့်ချိသူက “လုံခြုံရေးဂိတ် သက်သေမြင်အောင်သာကြည့်လိုက်ကြ”လို့ ဖော်ပြထားတဲ့ ဓာတ်ပုံဟာ ဓာတ်ပုံအဟောင်းသာဖြစ်ပါတယ်။

လုံခြုံရေးဂိတ်စောင့်နေတဲ့ စစ်သားပုံဟာ မဇ္ဓျိမသတင်းဌာနက ဇန်နဝါရီလ ၁၀ ရက်နေ့မှာ တင်ထားတဲ့ “ကွတ်ခိုင်မြို့ရှိ အရှေ့မြောက်တိုင်းစစ်ဌာနချုပ် ရဲ့ စစ်ဗျူဟာအဖွဲ့ (အခြေချ) တပ်စခန်းကြီးကို တအာင်း (ပလောင်)အမျိုးသားလွတ်မြောက်ရေးက အပြီးသတ်သိမ်းပိုက်နိုင်တဲ့ ဓာတ်ပုံသာ ဖြစ်ပါတယ်။”

မဇ္ဓျိမသတင်းက ဖော်ပြထားတဲ့ဓာတ်ပုံကို ဒီမှာကြည့်ပါ – https://shorturl.at/H48v7

ဒါ့အပြင် လားရှိုးမြို့ အခြေစိုက် အရှေ့မြောက်ပိုင်းတိုင်း စစ်ဌာနချုပ် (ရမခ) မကျသေးဘူးလို့ ဖြန့်ချိမှုမှာလည်း မှားယွင်းနေပါတယ်။

ဒေသအတွင်း သတင်းဌာနနဲ့ လွတ်လပ်ပြီး အမှီခိုကင်းတဲ့ သတင်းဌာန ဖော်ပြချက်အရ လားရှိုးမြို့ အခြေစိုက် အရှေ့မြောက်ပိုင်းတိုင်း စစ်ဌာနချုပ် (ရမခ) အား ယနေ့ နံနက် ၄ နာရီမှာ အပြီးသတ်သိမ်းပိုင်နိုင်ခဲ့ပြီလို့ ဖော်ပြထားပါတယ်။

ဆက်စပ်ဖတ်ရှု့ရန် – https://shorturl.at/18Qh5
သျှမ်းပြည် မြောက်ပိုင်းမှာ အကြီးဆုံးမြို့ဖြစ်တဲ့ လားရှိုးမြို့ရှိ စစ်ကောင်စီတပ်ရဲ့ အရှေ့မြောက်တိုင်းပိုင်း စစ်ဌာနချုပ်ကို ကိုးကန့်တပ်မတော်က ထိုးစစ်ဆင်ပြီး ယနေ့ နံနက် ၄ နာရီမှာ သိမ်းပိုက်နိုင်ခဲ့တယ်လို့လည်း Myanmar Now က ဖော်ပြထားပါတယ်။

Myanmar Now ကဖော်ပြထားတဲ့ သတင်းလင့်ခ်ကို ဖတ်ရန် – https://shorturl.at/YLBiD

သတင်းအမှားဖြန့်သူတွေဟာ မတူညီတဲ့နေရာက ဓါတ်ပုံတွေကို အသုံးပြုပြီး လက်ရှိအချိန်ထိ လားရှိုးမြို့ အခြေစိုက် အရှေ့မြောက်ပိုင်းတိုင်း စစ်ဌာနချုပ် (ရမခ) မကျေးသေးဘူးလို့ ဖြန့်ထားခြင်းသာ ဖြစ်ပါတယ်။

သျှမ်းသံတော်ဆင့် စာဖတ်ပရိတ်သတ်တွေအနေနဲ့ လူမှုကွန်ရက် စာမျက်နှာတွေမှာ ဖော်ပြနေတဲ့ သတင်းတွေကို ချက်ချင်းမယုံကြည်ဘဲ စိတ်ချရသော သတင်းမီဒီတွေမှာ သွားရောက်ဖတ်ရှု့ကြဖို့ တိုက်တွန်းပါတယ်။

သတင်းတု၊ သတင်းမှားဟု ယူဆရတဲ့ သတင်းတွေကိုလည်း သျှမ်းသံတော်ဆင့် လူမှုကွန်ရက်စာမျက်နှာ (SHAN Burmese Vision ) Facebook Chat Box ကနေဆစ်ဆင့် သတင်းရဲ့ လင့်ခ် (သို့မဟုတ်) Screen Short ပုံပေးပို့ခြင်းဖြင့် စစ်ဆေးနိုင်ပါတယ်။