သျှမ်းပြည် မြောက်ပိုင်း ပန်ဆိုင်းမြို့တွင် ကိုးကန့်တပ်ဖွဲ့ MNDAA မှ စစ်မှုထမ်းခေါ်ယူခံရသော အမျိုးသားတစ်ဦး စစ်ရေးလေ့ကျင့်ရာမှ ကျည်လွတ်ပြီး သေဆုံးသွားကြောင်း သတင်းရရှိသည်။
လွန်ခဲ့သည့် ဇူလိုင် ၁၅ရက် နေ့လည် ၂နာရီဝန်းကျင်တွင် ပန်ဆိုင်းမြို့ ကိုးကန့်တပ်ဖွဲ့ MNDAA မှ စစ်မှုထမ်းသစ်များကို စစ်ရေးလေ့ကျင့်နေပေးရာ ထိုစစ်လေ့ကျင့်နေသူ အမျိုးသားတစ်ဦးသည် ကျည်လွတ်သွားပြီး သေဆုံးခဲ့ရကြောင်း ၎င်းအမျိုးသားနှင့်နီးစပ်သည့်သူ က သျှမ်းသံတော်ဆင့်ကိုပြောသည်။
“သေနက်ကျည်လွတ်ပြီး သေတဲ့ဒဏ်ရာလား။ သူတို့ပစ်တာလဲ ဖြစ်နိုင်တယ်လေ။စစသွားသင်တဲ့လူကတော့ ၂ ရက် ၃ ရက်နဲ့ ဘယ်သူမှ မပစ်တက်ဘူး။ စစ်ရေးလေ့ကျင့်ရင် ဘယ်သူမှ အစစ်ပေးမကိုင်ဘူး ။ကျည်လည်းပေထည့်မှာ မဟုတ်ဘူး။ မိသားစုဝင်တွေသွားကြည့်တာတောင် ပေးမကြည့်ဘူး။ တကယ်အမှန် ဖြစ်ရင် ပေးကြည့်နိုင်ရမယ်။ သူတို့က ရိုက်ထားတဲ့ပုံပဲပြတာ။”ဟု ၎င်းက ပြောသည်။
ထိုသေဆုံးသွားသည့်အမျိုးသားသည် အသက် ၄၁ ဝန်းကျင် အရွယ်ရှိပြီး၊ ပန်ဆိုင်းမြို့ကို MNDAA ထိန်းချုပ်ပြီးနောက် စစ်မှုထမ်းသစ်ခေါ်ဆိုရာ ပါသွားသည့် သူလည်း ဖြစ်သည်။
ပန်ဆိုင်းမြို့ကို ကိုးကန့်တပ်ဖွဲ့ MNDAA ထိန်းချုပ်နိုင်ပြီးနောက် ပန်ဆန်းမြို့ရှိ ဒေသခံများကို စစ်မှုထမ်းများခေါ်ယူခဲ့ပြီး ငြင်းဆိုခြင်းပြုလုပ်ပါက အိမ်များကို ချိတ်ပိတ်ခြင်း ပြုလုပ်သည်။
ထို့ကြောင့် စစ်မှုမထမ်းလိုသော ဒေသခံများက တခြား ဒေသသို့ ထွက်ပြေးတိမ်းရှောင်နေရကြောင်း သိရသည်။
“ခုက တရုတ်လူမျိုးဆိုရင် အကုန်စစ်ထဲဝင်ရတယ်။ ဗမာကလွဲပြီးရင်ပေါ့။ သူတို့က စစ်ကောက်လို့ မလိုက်ဘူးငြင်းရင် အိမ်တွေကို ချိတ်ပိတ်တယ်။ တစ်အိမ်လုံး ထွက်ပြေး တာရှိတယ်။ ပြန်မလာတော့ တာရှိတယ်။” ဟု ၎င်းကဆက်ပြောသည်။
MNDAA ထိန်းချုပ်သည့် မည်သည့်ဒေသမဆို အမျိုးသားများ အသက် (၁၆)နှစ်ပြည့်ပါက စစ်မှုထမ်းရမည် ဟုလည်း MNDAA ပြောရေးဆိုခွင့်ရှိသူက သျှမ်းသံတော်ဆင့်ကို ပြောဆိုခဲ့ဖူးသည်။
ကိုးကန့်ဒေသအတွင်း အသက် ၁၆ နှစ်မှစ၍ ကလေးအပါအဝင် အမျိုးသမီး၊ အမျိုးသား၊ ကိုရင် စသည့်ဖြင့် လူမျိုးဘာသာမရွှေးတို့ကို တပ်သားအဖြစ် စုဆောင်းရန်ရှိပြီး ထိုထဲမှ အမျိုးသမီးများကို ရုံးပိုင်ဆိုင်ရာ ဝာာဝန်အဖြစ် သော်လည်းကောင်း၊ အမျိုးသားများကို စစ်မှုထမ်းအဖြစ် သော်လည်းကောင်း တာဝန်ပေးအပ်မည် ဖြစ်ကြောင်းလည်း သျှမ်းသံတော်ဆင့်ကို တရာဝင် ပြောဆိုခဲ့ဖူးသည်။
Leave a Comments