Saturday, July 20, 2024

မြန်မာ-ထိုင်းနယ်စပ် တာချီလိတ်မြို့ အမျိုးသားတစ်ဦး ပစ်သတ်ခံရ

Must read

မြန်မာ-ထိုင်း နယ်စပ် တာချီလိတ်မြို့ ဆေးခမ်းရပ်ကွက် အုပ်ချုပ်ရေးမှူးရုံးအနောက်တွင် အမျိုးသားတစ်ဦး သေနတ်ပစ်သတ်ခံရကြောင်း စုံစမ်းသိရသည်။

မြန်မာ – ထိုင်းနယ်စပ် တာချီလိတ်မြို့ ယမန်နေ့ (မေလ ၂၂ ရက်) ည ၇ နာရီ ခွဲဝန်းကျင်ခန့်တွင် ဆေခမ်း(ဟောင်လိတ်)ရပ်ကွက်၊ ဆေခမ်းအုပ်ချုပ်ရေးမှူးရုံးနောက် စားသောက်ဆိုင်တစ်အတွင်းရှိ အမျိုးသားတစ်ဦးကို အမည်မသိ လက်နက်ကိုင်နှစ်ဦးက ကားဖြင့် လာရောက်ပစ်သတ်သွားခဲ့ကြောင်း တာချီလိတ်မြို့ ဒေသခံ အမျိုးသားတစ်ဦးက သျှမ်းသံတော်ဆင့်ကို ပြောသည်။

“အဲ့သေသွားတဲ့လူက ထိုင်လူမျိုးပါ။ဒီဘက်က မိန်းမကိုလာယူတာ။ကျနော်အထင်တော့ အချင်းချင်း ပြဿနာ တွေရှိလို့ပဲပြောရမှာပေါ့။”ဟု တာချီလိတ်မြို့ ဒေသခံ အမျိုးသားတစ်ဦးက ပြောသည်။

ထို သေနတ်ဖြင့် ပစ်သတ်ခံရသော အမျိုးသားသည် အသက် ၄၂ နှစ်အရွယ် စိုင်းဆမ်ဖြစ်ပြီး ရင်ဘတ်နှင့် လက်တို့တွင် ကျည်များထိမှန်၍ အခင်းဖြစ်ပွားသော နေရာတွင် ချက်ချင်းသေဆုံးခဲ့ကြောင်း သိရသည်။

ထိုသို့ ပစ်ခတ်မှုများကြောင့် လက်ရှိတွင် တာဝန်ရှိသူများမှလည်း ဖမ်းဆီးအရေး ယူဆောင်ရွက်ခြင်း မရှိခြင်းသည့် အတွက်ကြောင့် ပြည်သူများ လုံခြုံရေးအတွက် စိုးရိမ်နေရကြောင်း ‌‌တာချီလိတ်မြို့ ဒေသခံ အမျိုးသမီးတစ်ဦးက သျှမ်းသံတော်ဆင့်ကိုပြောသည်။

“ဖမ်းမိဖို့လည်းမလွယ်ပါဘူး။ အိမ်ဖောက်တာကလည်းမကြာခဏပါပဲ။ နေ့တိုင်းလိုလို ကြားနေရတာပဲ။ ညဘက်ဆိုရင် သွားလာရမှာ စိုးရိမ်နေရတယ်။ နောက်ပြီး စိတ်ချလက်ချ အိပ်လို့မရဘူး။ အရင်လိုမဟုတ်တော့ ကြောက်ရတာပေါ့”တာချီလိတ်မြို့ ဒေသခံ အမျိုးသမီးတစ်ဦးက ပြောသည်။

စစ်တပ်မှ နိုင်ငံတော် အာဏာသိမ်းယူပြီး နောက်ပိုင်း တာချီလိတ်မြို့အတွင်း ပေါက်ကွဲမှုများ၊ ပစ်ခတ်မှုများ၊ ခိုးယူ လုယက်မှုများ မကြာခဏဖြစ်ပွားလေ့ရှိကြောင်း သိရသည်။

ပြီးခဲ့သည့် မတ်လ ၁၉ ရက်တွင်လည်း တာချီလိတ်မြို့ ဆန်ဆိုင်ရပ်ကွက်ရှိ Hout Same Mobile ဖုန်းဆိုင် တစ်ခုကို အမျိုးသားတစ်ဦး ဖုန်းများကို ဖောက်ဝင်ခိုးယူခဲ့ကြောင်း သိရသည်။

Leave a Comments

- Advertisement -spot_img

Latest article