သျှမ်းပြည် တာချီလိတ်မြို့ရှိ ဖုန်းဆိုင်သည် ယမန်နေ့ (မေ ၁၉)ရက် တွင် ဖောက်ထွင်းခံရပြီး iPhone (အိုင်ဖုန်း)သီးသန့် ခိုးယူသွားကြောင်း စုံစမ်းသိရသည်။
သျှမ်းပြည် တာချီလိတ်မြို့၊ ဆန်ဆိုင်းရပ်ကွက်၊ ဗိုလ်ချုပ်လမ်မကြီး၊ ဆန်ဆိုင်းဟိုတယ်အနီးရှိ Hout Same Mobile ဖုန်းဆိုင်ကို ယမန်နေ့ (မေလ၁၉ ရက်) မနက် ၅ နာရီဝန်းကျင်တွင် အမျိုးသားတစ်ဦး ဆိုင် အတွင်းသို့ ဖောင်ဝင်ပြီး အိုင်ဖုန်းများကိုသာ သီးသန့် ခိုးယူခဲ့ကြောင်း တာချီလိတ်မြို့ဒေသခံ အမျိုးသားတစ်ဦးက သျှမ်းသံတော်ဆင့်ကို ပြောသည်။
“ဖုန်းတွေကတော့ အများကြီးပါသွားလောက်တယ်။အိုင်ဖုန်းတွေပဲယူသွားတာ။ဆိုင်ထဲကို တစ်ယောက်ထဲ ဝင်ဖောက် သွားတာ။ ဆိုင်ကလည်း တာချီလိတ်မြို့လယ်ကောင်မှာလို့ပြောလို့ရတာပေ့ါ။ ခုထိတော့ ပြန်မမိသေးဘူး။”ဟု တာချီလိတ်မြို့ ဒေသခံအမျိုးသားတစ်ဦးက ပြောသည်။
အလားတူ ပြီးခဲ့သည့် မေလ ၁၈ ရက်တွင်လည်း တာချီလိတ်မြို့ ရပ်ကွက်တစ်ခုတွင် အမျိုးသားတစ်ဦး ဖုန်းပြော ဟန်ဆောင်ကာ အိမ်တွင်းတို့ဝင်၍ ဆိုင်ကယ်ခိုးယူခဲ့ကြောင်း သိရသည်။
ထိုသို့ ခိုးဆိုးလုယက်မှုများ နေ့စဉ်နီးပါး ဖြစ်ပွားနေသောကြောင့် လက်ရှိမှာ မည်သူမှ ဖမ်းဆီးအရေးယူဆောင်ရွက်ခြင်း မရှိခြင်းသည့် အတွက်ကြောင့် ပြည်သူများ လုံခြုံရေးအတွက် စိုးရိမ်နေရကြသည်။
စစ်တပ်မှ နိုင်ငံတော် အာဏာသိမ်းယူပြီး နောက်ပိုင်း တာချီလိတ်မြို့အတွင်း ပေါက်ကွဲမှုများ၊ ပစ်ခတ်မှုများ၊ ခိုးယူ လုယက်မှုများ မကြာခဏဖြစ်ပွားလေ့ရှိကြောင်း သိရသည်။
Leave a Comments