သျှမ်းပြည် တောင်ပိုင်း အောင်ပန်းမြို့၊ မင်္ဂလာရပ်ကွက်တွင် ရိုးရာပွဲအတွက် မီးလုံးပြုလုပ်ရန်ယမ်းထောင်းရာမှ မတော်တဆပေါက်ကွဲမှုဖြစ်ပွားပြီး အမျိုးသား ၃ ဦးအပြင်းအထန်ဒဏ်ရာရရှိပြီး နေအိမ်လည်း မီးလောင်းပြကျသွားခဲ့ရကြောင်း သိရသည်။
ယမန်နေ့ (မေ လ ၁၃) ရက် ညနေ ၂ နာရီခန့်တွင် ဖြစ်ပွားခဲ့ပြီး ပေါက်ကွဲမှု ၃ဆင့်ဖြစ်ပေါ်ကာ မီးသတ် တပ်ဖွဲ့မှအချိန်မှီ မီးထိန်းချုပ်နိုင်သောကြောင့် အခြားအိမ်များမီးစွဲသွားခြင်းမရှိကြောင်း သိရသည်။
“နှစ်ဦးက ဒဏ်ရာပြင်းထန်စွာရတယ်။ခန္ဓာကိုယ်တစ်ခုလုံးမီးလောင်သွားကြတယ်။ပေါက်ကွဲသံကြားရတော့ လန့်တောင်လန့်သွားတယ်။ပေါက်ကွဲသံက အကျယ်ကြီးဘဲ”ဟု မီးလောင်မှု ဖြစ်စဥ်ကို သိသည့် အမျိုးသားတစ်ဦးက သျှမ်းသံတော်ဆင့်ကိုပြောသည်။
ဒဏ်ရာရသူများသည် ဦးအောင်မြင့် ၊ ဦးဝင်းဦးနှင့် မောင်လွင်ဦး တို့ဖြစ်ကြပြီး ဒဏ်ရာပြင်းထန်ခြင်းကြောင့်အောင်ပန်းဆေးရုံမှ တောင်ကြီးမြို့ စပ်စံထွန်း ဆေးရုံသို့ လွဲပြောင်း ကုသရကြောင်း သိရသည်။
မီးပုံးပျံ၊မီးရှုးမီးပန်းနှင့် မီးလုံးပြုလုပ်ခြင်းသည် တောင်ပေါ် ရိုးရာအရပြုလုပ်ခြင်းဖြစ်ပြီး နှစ်စဉ်မတော်တဆမှုများ ဖြစ်ပွားလျက်ရှိကြောင်းသိရသည််။
Leave a Comments