သျှမ်းပြည် မိုးဗြဲမြို့ပေါ်သို့ တောမီးကူးစက် လောင်ကျွမ်းမှုကြောင့် ဘာသာရေးအဆောက်အဦးတစ်လုံးအပြင် နေအိမ် ၁၀၀ ခန့် မီးလောင်ခဲ့ကြောင်း စုံစမ်းသိရသည်။
သျှမ်းပြည် မိုးဗြဲမြို့၏ နောက်မြောက်ဖက်မှ တောမီးစတင်လောင်ကျွမ်းလာခြင်းကြောင့်မတ်လ ၁၀ ရက် နံနက် ၁၁ နာရီဝန်းကျင်တွင် မိုးဗြဲမြို့ပေါ်ထိ ကူးစက်လောင်ကျွမ်းခဲ့သည်။
ထိုတောမီး ကူးစက်မှုကြောင့် မိုးဗြဲမြို့ စက်တော်ရာ၊ဒုန်းဒူထန်၊စည်ကား ၃၊ စည်ကား ၁၊ပွဲကုန်း ၃ စသည့် ရပ်ကွက်များရှိ နေအိမ် ၁၀၀ ခန့်မီးလောင်ပြာကျခဲ့ပြီး ဘာသာရေး အဆောက်အဦးတစ်လုံး လည်း မီးလောင်ခဲ့ကြောင်း အမှတ် (၁၀၀၁) တပ်ရင်း၊ မိုးဗြဲပြည်သူ့ကာကွယ်ရေးတပ် (MBPDF)မှ ထုတ်ပြန်ထားသည်။
ပြီးခဲ့သည့် မတ်၁၀ ရက်တွင်လည်း ဆောင်းပြောင်း-ဖယ်ခုံ လမ်းကို ခရီးသွားလာခြင်း မပြုလုပ်ရန် PDF/KNDF/URFမှ အရေးပေါ် သတိပေးထုတ်ပြန်ခဲ့သည်။
ပင်လောင်းမြို့နယ် ဗန်းမောက် ၊နန်းဖာမူး၊ ဆောင်းပြောင်း အစရှိသော ကျေးရွာမျာတွင် စစ်ကောင်စီနှင့် PNOတို့ ပူးပေါင်းတပ်များ တပ်စွဲထားသဖြင့် အချိန်မရွေးတိုက်ပွဲ ဖြစ်ပွားလာနိုင်ကြောင်း၊ထိုကျေးရွာအတွင်းရှိ ပြည်သူများ၊စစ်ဘေးရှောင်အများ အချိန်မှီ ပြောင်းရွေ့ကြရန် သတိပေးထုတ်ပြန်ခဲ့သည်။