သျှမ်းပြည်တော်ကြီးမြို့နယ်တွင် ခရီသည်တင်ယာဉ်များ ကုန်စည်တင်ဆောင်ခြင်းနှင့်ပတ်သတ်၍ ကုန်ပစ္စည်းများကို အဆမတန် တင်ဆောင်ခြင်းမပြု ကန့်သတ်မှုများရှိနေကြောင်း စုံစမ်းသိရသည်။

သျှမ်းပြည် တောင်ကြီးမြို့နယ်တွင် ဖေဖော်ဝါရီ ၁၃ ရက်မှစ၍ ခရီသည်တင်ယာဉ်များ ကုန်စည် တင်ဆောင်ခြင်းမှုများ ကုန်ပစ္စည်းများကို အဆမတန်တင်လျှင် သက်ဆိုင်ရာတာဝန်ရှိသူများ နှင့်ယာဉ်စည်းကမ်း လမ်းစည်းကမ်းပူပေါင်းအဖွဲ့များက ပြစ်မှုအလိုက်ဒဏ်များနှင့် စစ်ဆေးအရေးယူသွားမည် ဖြစ်ကြောင်း ဖေဖော်ဝါရီ ၁၁ ရက်စွဲဖြင့် ထုတ်ပြန်ခဲ့ကြောင်း ကားသမားများက သျှမ်းသံတော်ဆင့်ကိုပြောသည်။

“သူတို့က အပေါ်မှာနည်းနည်းပဲပေးတင်တာ ၁ ပေလောက်‌ပေါ့။၁ပေးလောက်တင်လဲ အခန့်မသင့်ရင် လဲပေးရတာပဲ။သူများကားတောင် မီးသွေး ၃ အိတ်လောက်တင်တာကိုပေးရတယ်‌လေ။အကိုလဲ ၃သောင်းပေး ခဲ့ရသေးတယ်။အဲ့တောင်ကြီး ၄ မိုင်ဂိတ်မှာ စစ်တာလေ။အရင်လိုမတင်ရရင် ဘယ်ကိုက်မလဲ။အရင်းက အသွားအပြန် ၁သိန်း ၈သောင်း။လမ်းကျေးတွေပါရင် ၂ သိန်းကျော်တယ်လေ ဘယ်ကိုက်မလဲ။”ဟု ကိုယ်တိုင်ကြုံတွေ့ခဲ့သည့် ကားသမား တစ်ဦးက ပြောသည်။

ထုတ်ပြန်ချက်ထွက်လာပြီးနောက် ပြစ်မှုအလိုက်ပြစ်ဒဏ်များ ပထမအကြိမ် ဒဏ်ငွေ ကျပ် ၃ သောင်း၊ဒုတိယအကြိမ် ဒဏ်ငွေ ကျပ်၅ သောင်း၊တတိယအကြိမ်ကျူ;လွန်လျှင် သက်ဆိုင်ရာသို့ တင်ပြကာ ယာဉ်အသင်း၏ ခရီးစဉ်ပြေးဆွဲခွင့်အား သတ်မှတ်သည့် ကာလအတိုင်း ရပ်နားခံရမည်ဖြစ်ကြောင်း သိရသည်။

လက်ရှိမှာ ပြည်တွင်းတွင် တရားဥပဒေ စိုးမိုးမှု မရှိသောကြောင့် ပြည်သူများ မလုံခြုံမှုကို ပိုခံစားလာကြရပါသည်။ တစ်ဖက်တွင်လည်း ကုန်စျေးနှုန်းနှင့် စက်သုံးဆီများ စျေးတက်နေသလို ပြည်သူများလည်း အလုပ်အကိုင် ခက်ခဲပြီး စား၀တ်နေရေး ကျပ်တည်းမှုများ တွေ့ကြုံနေရသည်။

ထိုပြင် (ဖေဖော်ဝါရီ ၁၂)ရက် မှစတင်ကာ ကျေးသီးမြို့နယ်အတွင်း ဒေသခံများ ပြည်ပသို့ ထွက်ခွာသွားမည့်သူများနှင့် သယ်ဆောင်ပေးသော ကားသမားများကို ဖမ်းဆီးမည်ဖြစ်ပြီး ကားများကိုပါ သိမ်းသွားမည်ဟု SSPP က ထုတ်ပြန်ကြေညာထားသည်။