သျှမ်းပြည်သို့ စစ်ဘေးတိမ်းရှောင်လာသော ကရင်နီပြည်ဒေသခံများ ပစ္စည်းပြန်ယူလိုပါက ကရင်နီပြည်ရဲဌာန KSP ထံထောက်ခံချက်တောင်းရန် လိုအပ်ကြောင်း စုံစမ်းသိရသည်။
သျှမ်းပြည်သို့ “၁၁.၁၁” စစ်ဆင်ရေးကြောင့် စစ်ဘေးတိမ်းရှောင်လာသော ကရင်နီပြည်ဒေသခံများ နေ့ရပ်သို့ ပစ္စည်းများပြန်ယူခြင်း၊စားနပ်ရိက္ခာ ပြန်သယ်ဆောင်သောလူများကို ကရင်နီပြည်ရဲဌာန KSPထံ ထောက်ချက် ယူရန်လိုအပ်ကြောင်း ကရင်နီလူ့အခွင့်အရေး အဖွဲ့ဒါရိုက်တာ ဦးဗညားခွန်အောင် က သျှမ်းသံတော်ဆင့်ကို ပြောသည်။
“ကိုယ်အိမ်က တချို့ ပစ္စည်တွေယူချင်တယ် ပြန်ကြည့်ချင်တယ်ဆိုရင်၊ကျနော်တို့ သတ်မှတ်တဲ့ ရပ်ကွက် တွေမှာ အချက်အလက်တွေ လိုအပ်တဲ့ အစီမံအတိုင်း လိုက်နာပြီး အဝင်အထွက်သွားလာ လို့ရပါတယ်။ ထောက်ခံချက်ဆိုတာထက်စာရင် စီစစ်ပေးတာပေါ့။”ဟု ၎င်းကပြောသည်။
ထိုသို့စီမံထားသည့်အတိုင်း လိုက်နာရန်အကြုံပြုပြီး ကရင်နီပြည်ရဲဌာန KSPထံ ထောက်ခံချက်၊ ထောက်ခံစာများမပါလျှင် ပစ္စည်းများကို ထုတ်ခွင့်ပြုမည်မဟုတ်ကြောင်း ဦးဗညားခွန်အောင် က ပြောသည်။
“အဓိကတော့ ပြန်လာချင် ပြန်လာကြည့်လို့ရတယ်။ တချို့ကိုယ်ပိုင်ပစ္စည်းတွေကို သယ်ထုတ်လို့ ရတယ်။ အဲ့ဒါတွေကို လာပြီးမေးမြန်းပြီးတော့မှ လိုအပ်တဲ့ ထောက်ခံစာတွေကို ယူသွားစေချင်ပါတယ်။ ဒါက လုံခြုံရေးအရလည်း အရမ်းအရေးကြီးလို့ပါ အဲ့တာကို သတိပေးချင်ပါတယ်။”ဟု ၎င်းကဆက်ပြောသည်။
ထို ကရင်နီပြည်ရဲဌာန KSP ထံထောက်ခံချက်၊ထောက်ခံစားများရရှိရန် လွိုင်ကော်မြို့ပေါ်ရှိ သတ်မှတ် ထားသော ရပ်ကွက်၊ရုံးတို့တွင် လာပြောဆိုပြီး လိုအပ်သောအထောက်အထားများကို ထုတ်ပေးမည် ဖြစ်ကြောင်း သိရသည်။
“၁၁.၁၁ စစ်ဆင်ရေး” ကြောင့် လွိုင်ကော်မြို့ ပြည်သူအများ နီးစပ်ရာသျှမ်းပြည်ကို တိမ်းရှောင်နေကြပြီး ယခုရက်တွင် နေရပ်ပြန်၍ ပစ္စည်းခြင်း၊ စားနပ်ရိက္ခာပြန်ယူခြင်းများရှိနေပြီး နေအိမ်များတွင်လည်း ပြန်လည်နေထိုင်ခြင်း မပြုကြရန် သတိပေးထားကြောင်းသိရသည်