Thursday, April 18, 2024

ပင်လောင်း ငရုတ်ခင်းပျက်စီးမှုကြောင့် ဒေသခံများ အလုပ်ကိုင်ရှားပါး

Must read

သျှမ်းပြည် ပင်လောင်းမြောက်ဖက်တွင် ငရုတ်ပင်စိုက်ပျိုးသည့် ဒေသခံများ ငရုတ်ပင်ပျက်စီးမှုကြောင့် စားဝတ်နေရေးခက်ခဲလာကြောင်း စုံစမ်းသိရသည်။

ငရုပ်ခင်းပုံ

ပင်လောင်းမြောက်ဖက် ဒေသခံများဟာ ငရုတ်သီးပင်များ ရာသီဥတု မညီမျှမှု နှင့်မြေဆီလွှာပြဿနာ ရှိမှုကြောင့် သေကုန်ပြီး အထွက်နှုန်းလျော့ကြကာ ဝင်ငွေများနည်းပါးလာကြပြီး စားဝတ်နေရေးအခက်အခဲ ဖြစ်နေကြသည်။

ထို့အပြင် အလုပ်ကိုင်များရှားပါးလာသောကြောင့် တခြားဒေသဖက်တွင် နေစားအလုပ်သမားအဖြစ်သွားရောက်လုပ်ကိုင်နေရကြောင်း ပင်လောင်းဒေသခံများပြေပြချက်အရသိရသည်။

“အပင်သေကုန်တာတော့ အဓိကတော့ မြေပေါ့၊ မြေကအရမ်းပူတာလဲပါတယ်။ ပြီးတော့ ရာသီဥတုအပူ အအေးမမျှတာကြောင့်လို့ထင်တယ်။ မြေသြဇာနဲ့တော့မဆိုင်ဘူး လို့ထင်တယ် ဘာလို့ဆို မြေသြဇာထည့်ပြီး မစိုက်တာများတယ်။ ဒီတိုင်းစိုက်ဖြစ်တာများတယ် အရင်ကအဲလောက်ထိမသေဘူး။ ဒီနှစ်မှအများကြီး သေကုန်တာ” ဟုအသက် (၄၀) ဝန်းကျင်အမျိုးသားတစ်ဦးမှ ပြောထားသည်။

ယခင်က ငရုတ်အထွက်နှုန် သည် ပိဿ၆၀၀ ထိအထွက်နှုန်းရှိခဲ့ပြီး စိုက်ခင်း ဧကများသော ဒေသခံများတွင် ပိဿ တစ်ထောင်အ ထိထွက်ရှိခဲ့သည်။

ယခုနှစ်တွင် မြေဧက ယခင်အတိုင်း စိုက်ပျိုးခဲ့သော်လည်း အထွက်အများဆုံးမှာ ပိဿ (၆၀) နှင့်အများဆုံးမှာ ပိဿ (၂၀၀) အထိသာရကြောင်း အဆိုပါအမျိုးသားတစ်ဦးမှထပ်လောင်းပြောကြားထားသည်။

ထို့ကြောင့် ဒေသခံပြည်သူများသည် ငရုတ်ခင်းပျက်စီးမှု အထွက်နှုန်းလျော့ကျမှုကြောင့် အလုပ်ကိုင်များရှားပါးလာကာ အခြားသော အနီးအနား ကျေးရွာဖက်တွင် နေ့စားလုပ်ကိုင်နေရကြောင်းကို ဒေသခံအမျိုးသမီးတစ်ဦးမှ ယခုလိုပြောထားသည်။

” ပုံမှန်ဆို တခြားရွာဖက်မှာ အလုပ်သွားလုပ်ရတာမရှိဘူး၊ ဒီနှစ်က ငရုတ်ပင်လည်း သေကုန်တယ်၊ အထွက်နှုန်းကလည်း လျော့လာတယ်၊ ငရုတ်သီးက ဒီဇင်ဘာလအထိခူးရတယ်။ အဲတော့ အလုပ်ကပေါတယ်။ အခုနှစ်က နိုဝင်ဘာလတောင်မကုန်သေးဘူး ငရုတ်ကသိမ်းလို့ ပြီးသွားပြီ၊ အဲတာကြောင့် အလုပ်ကမရှိ တခြားရွာဖက်မှာ လက်ဖက်ခူးတို့ ရှိတဲ့အလုပ်ကို နေ့စားသွားလုပ်ကြတယ်”ဟု အဆိုပါ အမျိုးသမီးမှ သျှမ်းသံတော်ဆင့်ကိုပြောသည်။

ပင်လောင်းဒေသဖက်တွင် ယခုနှစ်ငရုတ်စျေးသည် စျေးကောင်းရနေပြီး တစ်ပိဿလျှင် ၅သောင်းအထိရနေပြီး နိုင်ငံရေး အခြေအနေကြောင့် ငွေဈေးနှုန်း အတက်အကျ မတည်ငြိမ်မှုကြောင့် တစ်ပိဿ ၃ သောင်းမျှသာရကြောင်း သိရသည်။

Leave a Comments

- Advertisement -spot_img

Latest article