Thursday, April 18, 2024

ပြောင်းချိုးသူမရှိ ပြောင်းခင်းပိုင်ရှင် အခက်အခဲကြုံ

Must read

သျှမ်းပြည် တောင်ပိုင်းတွင် ပြောင်းချိုးသူများမရှိသဖြင့် ပြောင်းခင်းပိုင်ရှင်များ အခက်အခဲများဖြစ်နေကြောင်း စုံစမ်းသိရသည်။

စစ်ရှောင်တွေ စိုက်ထားတဲ့ပြောင်းခင်း

သျှမ်းပြည် တောင်ပိုင်း ပြီးခဲ့သည့်နှစ်တွင်မိုးများ၍ နေရာဒေသအချိုးတွင် ပြောင်းအစိုများနေပြီး ပြောင်းချိုးသူများလည်း ရှားပါးနေသောကြောင့် ပြောင်းခင်းပိုင်ရှင်လည်း စိုးရိမ်မှုများရှိနေကြောင်း ဒေသခံအမျိုးသားတစ်ဦးက သျှမ်းသံတော်ဆင့်ကို‌ပြောသည်။

“ကျနော်တို့ ရောင်းတဲ့လူတွေကြတော့ ဈေးတက်ဖို့မျှော်လင့်ရတာပေါ့။အဲ့တိုင်းခြုံထဲမှာ အကြာကြီး ထားရတာ အဆင်မပြေဘူးလေ။ တချို့အပင်တွေဆိုမြေနဲ့ထိပြီး အညှောင်တောင် ထွက်ပြီးလေ အဲ့လိုတွေဆိုရင် ရှုံးပြီလေ။ ”ဟု ပြောင်းစိုက်သူ အသက် ၅၀ ဝန်းကျင် အမျိုသားတစ်ဦးက ပြောသည်။

ပြောင်းခင်းစိုက်ထားသော လူများလည်း ပြောင်းချိုးဖိုးလူခေါ်ရာမှာ ခက်ခဲနေပြီး ငှားသူတစ်ဦး ယခင်က တစ်ရက်လျှင် အမျိုးသားတစ်ဦးလျှင် ၁သောင်း၂ထောင်ကျပ် နှင့် အမျိုးသမီး တစ်ဦးလျှင် တစ်သောင်းကျပ်ပေးရ သော်လည်း ယခုနှစ်တွင် အမျိုးသားတစ်ဦးလျှင် ၁သောင်း ၆ထောင်၊အမျိုးသမီးတစ်ဦးလျှင် ၁သောင်း ၃ထောင်ထိပေးရသည်။

ပြောင်းခင်း

သို့သော်လည်း ပြောင်းချိုးရန် လူရှားနေသည့်အတွက် ပြောင်းခင်းများကို စိုးရိမ်နေရကြောင်း ဒေသခံ အမျိုးသားတစ်ဦး ကပြောသည်။

နိုင်ငံရေးရှုပ်ထွေးမှု၊ ကုန်စျေးနှုန်းမြင့်တက်မှုကြောင့် ဓာတ်မြေသြဇာစျေးနှုန်းလည်း အလိုအလျောက် စျေးတက်နေသဖြင့် ပြောင်းစျေးသည် တစ်ပိဿာလျှင် ကျပ် ၁၀၀၀ အောက်အထိ စျေးကျနေကြောင်း ပြောင်းစိုက်တောင်သူများက ပြောသည်။

ပြီးခဲ့သည့် ၂၀၂၂ ခုနှစ် စက်တင်ဘာလတွင် ပြောင်းဖူး ပိဿာ ၃၀ တစ်အိတ်လျှင် ၂၈၀၀၀ ကျပ်မှ ၂၉၀၀၀ ကျပ်အထိ ဈေးပေါက်သော်လည်း ယခု ၂၀၂၄ ခုနှစ်တွင် ပိဿာ ၃၀ တစ်အိတ်ကလျှင် ၂၆၀၀၀ မှ ၂၇၀၀၀ ကျပ်ခန့်သာ ဈေးရှိကြောင်း သိရသည်။

Leave a Comments

- Advertisement -spot_img

Latest article