“ဝ” ပြည်သွေးစည်း ညီညွတ်ရေး ပါတီ (UWSP) ၏ တည်ထောင်ခြင်း နှစ် (၃၅) ပြည့် အခမ်းအနားကို ဗဟို ဌာနချုပ်ရှိရာ ပန်ခမ်းမြို့တွင် စည်ကားသိုက်မြိုက်စွာ ကျင်းပပြုလုပ်ခဲ့ကြောင်း စုံစမ်းသိရသည်။
ယနေ့ (ဒီဇင်ဘာလ ၂၀) ရက်နေ့သည် “ဝ”ပြည်သွေးစည်းညီညွှတ်ရေးပါတီ (UWSP) ၏ နှစ်ပေါင်း (၃၅) မြောက်ဖြစ် ရာ အခမ်းအနားကို ပါတီတာဝန်ရှိသူများ၊ ဗဟိုကော်မတီဝင်များ နှင့် “ဝ”ပြည်သွေးစည်း ညီညွတ်ရေး တပ်မတော် မှ အရာရှိများ၊တပ်သားများက တက်ရောက်ခဲ့ကြောင်းလည်း သိရသည်။
UWSP ပါတီသည် စစ်တပ် နှင့် ပြည်နယ်အဆင့် အပစ်ရပ်ရေး သဘောတူစာချုပ်ချုပ်ဆိုထားသလို အာဏာသိမ်း စစ်ကောင်စီနှင့် တွေ့ဆုံပြီး ”ဝ” ဒေသကို ပြည်နယ်အဆင့် သတ်မှတ်ပေးရန် တောင်းဆိုသည့် ပါတီလည်း ဖြစ်သည်။
ယင်းကဲ့သို့ UWSP ပါတီ၏ တောင်းဆိုမှုကို အာဏာသိမ်း စစ်ကောင်စီမှလည်း မူအားဖြင့် သဘောတူကြောင်း တုန့်ပြန်ပြောဆိုမှု ရှိထားသည်။
Leave a Comments