(၃၅) နှစ်ပြည့် (၈) လေးလုံး အရေးတော်ပုံ အထိမ်းအမှတ် ကို မြန်မာပြည်တွင်းသာမက ထိုင်းရောက် မြန်မာတွေလည်း စုဝေးကျင်းပခဲ့ပါတယ်။
.
မနေ့ သြဂုတ် (၈) ရက်က ထိုင်းနိုင်ငံ ချင်းမိုင်မြို့ရှိ ချင်းမိုင် တက္ကသိုလ်ဝန်းထဲမှာ ည (၇) နာရီကစပြီး ညသပိတ် အဖြစ် လှုပ်ရှားမှု ပြုလုပ်ခဲ့ပါတယ်။
ကျဆုံးသွားတဲ့ သူရဲကောင်းတွေကို လေးစားဂုဏ်ပြုတဲ့အနေ နဲ့ လှုပ်ရှားမှုကို ပြုလုပ်ခဲ့တာဖြစ်ပြီး စစ်အာဏာရှင် စနစ်ကို ရရာနည်းလမ်းတွေနဲ့ အမြစ်ပြတ် တော်လှန်ကြဖို့အတွက်လည်း ရည်ရွယ်ကြတယ်လို့ သိရပါတယ်။
အဲ့ဒီ လှုပ်ရှားမှုမှာ ပါဝင်လှုပ်ရှားသူတွေက ဖယောင်းတိုင်ထွန်းပြီး လမ်းလျှောက်ချီတက်ခဲ့ပြီး ခေတ်အဆက်ဆက်က ကျဆုံးသွားသူတွေကို အလေးပြုတာ၊ ဂုဏ်ပြုကဗျာရွတ်ဆိုတာတွေ နဲ့ စစ်အာဏာရှင်က အမျိုးမျိုး ဖိနှိပ်တဲ့ကြားကနေ အလျှော့မပေးပဲ ကြိုးသားတွန်းလှန်ကြတဲ့ နမိတ်ပုံတွေ၊ အသက်ပေးခဲ့ရတဲ့ သွေးစွန်းပုံရိပ်တွေကို သရုပ်ဖော်ပြသခဲ့ကြပါတယ်။
အဲ့ဒီ လှုပ်ရှားမှုမှာ မြန်မာကျောင်းသား/သူတွေ၊ လူ့အခွင့်အရေးလှုပ်ရှားသူတွေ တက်ရောက်ခဲ့ပါတယ်။
Leave a Comments