မြန်မာ – ထိုင်း နယ်စပ် တာချီလိတ်မြို့နယ် ဆယ်ဖူးကျေးရွာ နှင့် နမ့်ဖုန်းကျေးရွာကြား မဲခေါင်မြစ်ကမ်းဘေးတွင် ငွေကျပ်သိန်း (၄,၂၀၀) ကျော် တန်ဖိုးရှိ တရားမဝင် ထိန်းချုပ်ဓာတုပစ္စည်း ကို သိမ်းဆည်းရမိကြောင်း စုံစမ်းသိရသည်။
ဇူလိုင် ၁၄ ရက် နံနက် ၁၁ နာရီတွင် မြန်မာ – ထိုင်းနယ်စပ် တာချီလိတ်မြို့နယ် အတွင်း မဲခေါင်မြစ်ကမ်းဘေးတွင် ဒေသ ကာလတန်ဖိုး ငွေကျပ်သိန်း (၄,၂၀၀) ကျော် တန်ဖိုးရှိ ထိန်းချုပ်ဓာတုပစ္စည်း ကဖင်း ၅ ဒသမ ၃ တန် သိမ်းဆည်းရမိကြောင်း CCDAC က ထုတ်ပြန်ထားသည်။
အဆိုပါ ထိန်းချုပ် ဓာတုပစ္စည်းများသည် မဲခေါင်မြစ်ကမ်းဘေးတွင် ဆိုက်ကပ်ထားသည့် ကျိုင်းလပ်မြို့ ဝမ်ကျင်း (၃) ရပ်ကွက် မဲခေါင်လမ်း နေ ဦးနန်အွန် ပိုင်ဆိုင်ထားသည့် စစ်လှေပေါ် တွင် ဖမ်းဆီးရမိကြောင်း ၊ ထိုကိစ္စနှင့်ပတ်သက်ပြီး ဥပဒေအရ အရေးယူထားရှိပြီး ကွင်းဆက်ပြစ်မှု ကျူးလွန်သူများကို စုံစမ်းဖော်ထုတ်လျက်ရှိကြောင်း သိရသည်။
ဆက်လက်ပြီး ဇူလိုင် ၉ ရက်တွင်လည်း တာချီလိတ်မြို့ ပါဆတ်ရပ်ကွက် ရှိ အိုက်ဖတ် (ခ) စိုင်းဖတ်၏ နေအိမ်တွင် ဒေသ ကာလပေါက်စျေး တန်ဖိုးငွေ (၆,၃၀၀) တန်ဖိုးရှိ ဘိန်းဖြူ ဘလောက် ၁၂၀ တုံးကို ဖမ်းဆီးရမိခဲ့ကြောင်း CCDAC ၏ လူမှုကွန်ရက်စာမျက်နှာတွင် ရေးသားထားသည်။
Leave a Comments