ထိုင်းနိုင်ငံ၏ ဆင်တစ်ကောင်သည် သီရိလင်္ကာနိုင်ငံတွင် နှစ်ပေါင်း (၂၀) ကျော် ရောက်ခဲ့နေရာမှ ထိုင်းမှ လေယာဥ်ဖြင့် ပြန်လည်ခေါ်ဆောင်လာကြောင်း စုံစမ်းသိရသည်။

ယမန်နေ့ ဇူလိုင် (၂) ရက်နေ့က ၄ တန်ချိန်ရှိသည့် “ဖလိုင်းဆတ်သူရိန်း”အမည်ရှိ အသက် (၃၀) အရွယ် ဆင်တစ်ကောင်ကို သီရိလင်္ကာနိုင်ငံ မှ ထိုင်းနိုင်ငံ သို့ (၅) နာရီကြာ လေယာဥ်စီးပြီး နေ့လည် (၂) နာရီတွင် ထိုင်းနိုင်ငံ ချင်းမိုင် အပြည်ပြည်ဆိုင်ရာ လေဆိပ်သို့ ရောက်ရှိခဲ့ကြောင်း သိရှိရသည်။

အဆိုပါ ဆင်ကို သယ်ဆောင်ရန်အတွက် အမေရိကန် ဒေါ်လာ (၇) သိန်း ကျခံသင့်ပြီး ထိုင်းဘက်မှ ခေါ်ဆောင်လာခဲ့သည်ဟု သိရသည်။

ထို ဆင်သည် ပြီးခဲ့သည့် နှစ်ပေါင်း (၂၀) ကတည်းက ထိုင်းနိုင်ငံ နှင့် သီရိလင်္ကာနိုင်ငံ နှစ်နိုင်ငံကြား ချစ်ကြည်ရေးအတွက် ထိုင်းနိုင်ငံမှ လက်ဆောင်ပေးခဲ့ခြင်း ဖြစ်သည်။

ဗုဒ္ဓမြတ်စွယ်တော်ကို အများပြည်သူ ဖူးမျှော်ရန် လှည့်လည်ရာတွင် ထိုဆင်ကို အသုံးပြုခဲ့သည်။

သိုပေမယ့် ပြီးခဲ့သည့် နှစ်က “ဖလိုင်းဆတ်သူရိန်း” ဟာ သက်ဆိုင်ရာ တာဝန်ရှိသူများဘက်မှ သေချာစောင့်ရှောက်မှု မရှိသည့်အတွက် နေမကောင်းဖြစ်ပြီး ထိုင်းနိုင်ငံဘက်က တာဝန်ရှိသူတွေ ပြန်လည်ခေါ်ဆောင်ခဲ့သည်ဟု သိရသည်။

တာဝန်ရှိသူများက “ဖလိုင်းဆတ်သူရိန်း”ကို သွားရောက်စစ်ဆေးရာမှာ ကျန်းမာရေး မကောင်းခြင်း၊ ခြေထောက်များမှာ အနာများရှိခြင်း၊ မျက်နှာလည်း ကြည်လင်မှုမရှိသည့်အတွက် ထိုင်းနိုင်ငံဘက်မှ တာဝန်ရှိသူတွေက ကျန်းမာရေးစောင့်ရှောက်ပေးရန်အတွက် ဆင်ကို ပြန်လည် ခေါ်ဆောင်လာခဲ့ခြင်း ဖြစ်သည်။