ထိုင်းနိုင်ငံ မဲဆောက်မြို့နယ်ရှိ မြို့နယ်အုပ်ချုပ်ရေးမှူး မှ မြန်မာနိုင်ငံသားများကို (၁၀) နှစ် ကဒ် ပြုလုပ်ပေးပြီး (၃) လနီးပါးအတွင်း ပြည်သူပေါင်း (၇၀၀) ကျော် ပြုလုပ်ပေးခဲ့ကြောင်း AEC อาเซียน News သတင်းက ထုတ်ပြန်ထားသည်။
ယမန်နေ့ (ဇွန် ၁၈) ရက်တွင် တတ့်(ခ်) ခရိုင် အုပ်ချုပ်ရေးမှူးမှ မဲဆောက်မြို့နယ် အုပ်ချုပ်ရေးမှူး အပါအဝင် (၃) ဦးကို နေရာပြောင်းရွှေ့ ခဲ့ကြောင်း သိရသည်။
အဆိုပါ ပြောင်းရွှေ့ခံရခြင်းအကြောင်းမှာ မဲဆောက်မြို့နယ် အုပ်ချုပ်ရေးမှူးရုံးတွင် မှတ်ပုံတင်လုပ်ရန်အတွက် လူစည်ကားနေပြီး ၊ တာဝန်ရှိသူများက မြန်မာနိုင်ငံသားများကို လျှို့ဝှက်စွာဖြင့် ကဒ်လုပ်ပေးနေကြောင်း၊ ထိုင်းနိုင်ငံသားများက တန်းစီစောင့်ဆိုင်းရကာ အချိန်ကြာမြင့်နေသည့် အကြောင်းကို တတ့်(ခ်)ခရိုင် အုပ်ချုပ်ရေးမှူးထံ တိုင်ကြားခဲ့သည်။
ထိုင်းနိုင်ငံမဲ့ (၁၀) နှစ်ကဒ် လာလုပ်တဲ့သူများသည့် မြန်မာနိုင်ငံ၏ စစ်ရေးပဋိပက္ခကြောင့် ထိုင်းနိုင်ငံသို့ ထွက်ပြေးလာသည့် စစ်ရှောင်ပြည်သူများ၊ တော်လှန်ရေးတပ်ဖွဲ့ဝင်များ၊ ပြည်သူများ ပါဝင်ကြောင်း ထိုင်းသတင်းဌာနတွင် ရေးသားဖော်ပြထားသည်။
လက်ရှိမှာ (၁၀) နှစ်ကဒ်ကို တစ်နေ့လျှင် (၁၅) ယောက်မှ (၂၀) ယောက်ထိ တာဝန်ရှိသူများက လျှို့ဝှက်စွာ လုပ်ပေးခဲ့သည်ဟုလည်း ရေးသားထားသည်။
(၁၀) နှစ်ကဒ် ကို တစ်ဦးလျှင် (၄) သောင်းဘတ် မှ ဘတ် (၁) သိန်း အထိ စျေးနှုန်းရှိခဲ့ပြီး၊ (၃) လနီးပါးအတွင်း ပြည်သူပေါင်း (၇၀၀) ကျော် လုပ်ပြီးသွားပြီး စုစုပေါင်း ကျသင့်ငွေဘတ် (၂၈) သန်း မှ ဘတ် သန်း (၃၀) အထိ တာဝန်ရှိသူတွေ ရထားသည်ဟုလည်း AEC อาเซียน News တွင်သိရသည်။
ထို့ကြောင့် မဲဆောက်မြို့နယ် အုပ်ချုပ်ရေးမှူး အပါအဝင် (၃) ဦးကို နေရာပြောင်းရွှေ့ထားပြီး ဥပဒေအတိုင်း စစ်ဆေးသွားမည်ဟု သိရသည်။
ထိုင်း (၁၀) နှစ်ကဒ် ကိုင်ဆောင်ထားသည့် သူများ၊ တောင်ပေါ်ဒေသတွင် နေထိုင်သည့် သူများ နှင့် ကျေးလက်ဒေသတွင် နှစ်ပေါင်းကြာရှည်နေထိုင်ပြီး ဘာအထောက်အထားမှ မရှိသည့် ပြည်သူတွေကို ထိုင်းအစိုးရမှ (၁၀) နှစ်ကဒ် ကိုင်ဆောင်ခွင့်ပေးခြင်း ဖြစ်သည်။
လက်ရှိ တရားမဝင် (၁၀) နှစ်ကဒ် ကိုင်ဆောင်ထားသည့် သူများကို သက်ဆိုင်ရာ ထိုင်းအာဏာပိုင်တွေက ကဒ်ကို ပြန်လည်ရုတ်သိမ်းသွားမည်ဖြစ်ကြောင်းသိရသည်။
Leave a Comments