သျှမ်းပြည် တာချီလိတ်မြို့နယ် ဝိန်းကျောက်ရပ်ကွက် ဟုန်ပန်းကွင်းအတွင်းရှိ ဟယ်ရီပေါ်တာ KTV အနီးတွင် ကားနှစ်စီးသည် လမ်းပြင်ဆင်နေကြောင်းမသိရှိဘဲ မောင်းနှင်လာရာ မြောင်းထဲပြုတ်ကျကာ မီးလောင်သွားကြောင်း စုံစမ်းသိရသည်။
ယမန်နေ့ ဇွန်လ ၁၀ ရက် ည ၁၁ ဝန်းကျင်တွင် တာချီလိတ်မြို့နယ် ဝိန်းကျောက်ရပ်ကွက် ဟုန်ပန်းကွင်းအတွင်းရှိ ဟယ်ရီပေါ်တာ KTV အနီးတွင် ကားနှစ်စီးသည် လမ်းပြင်ဆင်နေကြောင်း မသိရှိဘဲ မောင်းနှင်လာရာ မြောင်းထဲပြုတ်ကျပြီး လူ ၂ ဦး ထိခိုက်ဒဏ်ရာ ရသွားပြီး ကား မီးလောင်သွားကြောင်း ၎င်းကို သွားရောက်ကူညီသူ လူငယ်တစ်ဦးက ပြောသည်။
“ မနေ့ ည KTV နားမှာ ကား ၂ စီးမြောင်းထဲ ပြုတ်ကျတာ။ သူများလမ်းပြင်နေတာ သူတို့က မသိဘူး။ သူတို့က အရှိန်အဟုန် နဲ့ မောင်းတော့ မတော်တဆ မြောင်းထဲ ပြုတ်ကျသွားတာ။ မြောင်းထဲက သံချောင်းတွေ သူတို့ကားကို ထိုးဝင်သွားပြီး ကားရဲ့ ဓာတ်ဆီတိုင်ကီ ထိမိတာ၊ ပေါက်သွားတာ နဲ့ မီးလောင်သွားတာ “ ဟု ၎င်းက ပြောသည်။
အဆိုပါ မြောင်းထဲကျသွားသည့် ကားအမျိုးအစားသည် Crown နှင့် Honda Fit ကား ဖြစ်ပြီး မီးလောင်သွားပြီးနောက် တာချီလိတ်မြို့နယ် မီးသတ်တပ်ဖွဲ့မှ သွားရောက် ငြိမ်းသတ်ခဲ့ကြောင်း သိရသည်။
လက်ရှိ ထိခိုက်ဒဏ်ရာ ရရှိသူ အမျိုးသား တစ်ဦး နှင့် အမျိုးသမီး တစ်ဦးတို့ကို တာချီလိတ်ဆေးရုံတွင် ပို့ဆောင်ထားပြီး ဆေးဝါးကုသပေးနေကြောင်း သိရသည်။
Leave a Comments