Thursday, June 20, 2024

နမ္မတူချောင်းအတွင်း ကလေးငယ် ၂ ဦးရေနစ်သေဆုံး

Must read

သျှမ်းပြည် နမ္မတူမြို့နယ် နယ်မြေ (၅) ရှိ နမ္မတူချောင်းအတွင်း ကလေးငယ် ၃ ဦး ရေဆင်းချိုးနေစဉ် ၂ ဦး ရေနစ်သေဆုံးသွားခဲ့ကြောင်း စုံစမ်းသိရသည်။

နမ္မတူချောင်း

ယမန်နေ့ (မေလ ၃၁) ရက် ၁ နာရီခွဲတွင် နမ္မတူမြို့နယ် ရှိ နမ္မတူချောင်းအတွင်း ကလေးငယ် ၃ ဦး ရေဆင်းချိုးနေစဉ် ရေနစ်နေကြောင်း သတင်းရသဖြင့် ရပ်ကွက်နေ ပြည်သူများမှ သွားရောက်ရှာဖွေကယ်ဆယ်ခဲ့ရာ ကလေးငယ် ၁ ဦးကို ကယ်ဆယ်နိုင်ခဲ့ပြီး ၂ ဦးမှာ ရေနစ်သေဆုံးသွားခဲ့ကြောင်း နမ္မတူဒေသခံ အမျိုးသားတစ်ဦးက သျှမ်းသံတော်ဆင့်ကိုပြောသည်။

“ သူတို့ ရပ်ကွက်ထဲမှာ အသုဘရှိတာ။ အသုဘ သွားမပို့ခင် သူတို့အချင်းချင်းခေါ်ကြပြီး ရေသွားဆော့တာ။ ရေသွားဆော့ရင်း သုံးယောက်စလုံး ရေနစ်နေတာ။ နေရစ်နေတဲ့ သတင်းကြားတော့ ရပ်ကွက်ကလူတွေ လာကယ်ဆယ်တော့ တစ်ယောက်ကယ်ဆယ်နိုင်သွားတယ်။ ကျန်တဲ့ နှစ်ယောက်ကတော့ ရေနစ်ပြီး ဆုံးသွားတယ် “ ဟု ၎င်းအမျိုးသားက ပြောသည်။

နေရစ်သေဆုံးသွားသူသည် အသက် ၁၄ နှစ် မပန်းအိလှိုင် နှင့် အသက် ၁၆ နှစ် မခင်ရှုပါကျော် ဖြစ်ပြီး ကယ်ဆယ်နိုင်ခဲ့သူမှာ အသက် ၁၄ နှစ် မောင်နေဘုန်းမြတ် ဖြစ်ကြောင်း သိရသည်။

ထို့အပြင် ကလေးငယ်များ ရေနစ်သေဆုံးမှု ထပ်မံမဖြစ်မပွားစေရန် မိဘများအနေဖြင့် ကလေးများကို ချောင်းအတွင်း အုပ်ထိန်းသူမပါဘဲ ရေဆင်းချိုးခြင်း၊ ရေးကူးခြင်း မပြုလုပ်ရန်နှင့် ရေနက်သည့် နေရာများ၊ ရေစီးသန်သည့် နေရာများကို သတိပေး ဆိုင်းဘုတ်များ ထားရှိပြုလုပ်ရန် သက်ဆိုင်ရာက တိုက်တွန်းထားသည်။

Leave a Comments

- Advertisement -spot_img

Latest article