သျှမ်းပြည် မိုင်းဆတ်ခရိုင် မိုင်းဆတ်မြို့အတွင်း မိုးသက်လေပြင်းကျရောက်မှုကြောင့် နေအိမ် (၁၀) အိမ်ကျော် ပျက်စီးသွားကြောင်း စုံစမ်းသိရှိရသည်။
ယမန်နေ့ မေ (၈) ရက် ည (၄) နာရီချိန်ခန့်တွင် မိုးသက်လေပြင်း ကျရောက်ပြီး မိုင်းဆတ်မြို့ရှိ ဝိန်းကောင်းရပ်ကွက် နှင့် ဝိန်းနေ ရပ်ကွက် ရှိ ဒေသခံ ပြည်သူနေအိမ်များ နှင့် ဘုန်းကြီးကျောင်းများ ပျက်စီးခဲ့ကြောင်း သိရှိရသည်။
“မိုးတွေလေတွေအရမ်းပြင်းတော့ ကျနော်တို့ရွာထဲက အိမ်တွေ ပျက်စီးသွားတာ များတယ်။ တစ်ချို့ဆို အိမ်ခေါင်မိုးလွင့်သွားတာရှိတယ်။ (၁၀) အိမ်ထက် မနည်း အိမ်တွေ ပျက်စီးသွားတာရှိတယ်” ဟု မိုင်းဆတ်ဒေသခံ အမျိုးသားတစ်ဦး က သျှမ်းသံတော်ဆင့် ကိုပြောသည်။
မိုးသက်လေပြင်းကြောင့် နေအိမ်များ ပျက်စီးသွားသည့်အပြင် ဘုန်းကြီးကျောင်းရှိ စေတီတစ်ဆူလည်း ထီးတော်မြေခ ခဲ့ခြင်း၊ ဓာတ်တိုင်များလည်း လဲကျသွားတာတွေ ရှိကြောင်း သိရှိရသည်။
“လမ်းဘေးက ဓာတ်တိုင်တွေ လဲကျတာရှိတယ်။ မီးကြိုးတွေ လမ်းမပေါ် ရှုပ်ကုန်တယ်။ တချို့ အိမ်ဆိုရင် ဓာတ်တိုင် လဲကျတာရှိတယ်။ ဇရပ် နဲ့ ဆွမ်းစားကျောင်းဆောင် တွေလည်း ပျက်စီးတာတွေရှိတယ်။ ခြံစည်းရိုးတွေလည်း ပျက်စီးတာတွေရှိတယ်” ဟု ဒေသခံ တစ်ဦး ကပြောသည်။
အလားတူ သျှမ်းပြည် လင်းခေးမြို့နယ် နှင် ခိုလမ် မြို့တို့မှာလည်း ယမန်နေ့ မေ (၈) ရက် ညပိုင်းက မိုးသက်လေပြင်း ကျရောက်တဲ့အတွက် လင်းခေးမြို့နယ်ရှိ ပရဟိတ ကျောင်း နှင့် ခိုလမ်မြို့ သီရိမင်္ဂလာကျောင်းတိုက်ရှိ ဆွမ်းစားဆောင်ရဲ့ ကျောင်းခေါင်မိုး ပျက်စီးခဲ့သည်။
Leave a Comments