Wednesday, October 4, 2023

ဆီဆိုင်မြို့နယ် နောင်မွန်ကျေးရွာအုပ်စုမှ ကိုရင် ၃ ပါး ပျောက်ဆုံးနေ

Must read

သျှမ်းပြည် တောင်ကြီးခရိုင် ဆီဆိုင်မြို့နယ် နောင်မွန်ကျေးရွာအုပ်စုမှ ကိုရင် ၃ ပါးသည် ယနေ့ (ဧပြီ ၂၁) ရက် နံနက်ပိုင်းမှ စပြီး ပျောက်ဆုံးနေကြောင်း စုံစမ်းသိရှိရသည်။

ဆီဆိုင်မြို့နယ်

ယနေ့ (ဧပြီလ ၂၁ ရက်) နံနက် ၈ နာရီကျော် အချိန်မှစပြီး နောင်မွန်ကျေးရွာအုပ်စုရှိ အမည်မဖော်လိုသည့် ကျောင်းတစ်ကျောင်းမှ ကိုရင် ၃ ပါးသည် ရေသွားကူးမည်ဟုဆိုပြီး ထွက်သွားရာ ပျောက်ဆုံးသွားခဲ့ကြောင်း ၎င်း နှင့် နီးစပ်သူ အမျိုးသားတစ်ဦးက သျှမ်းသံတော်ဆင့်ကို ပြောသည်။

“ သူတို့ သူငယ်ချင်းနဲ့စုပြီး ရေသွားမယ်၊ ဘာညာနဲ့ ရုတ်တရက် ထွက်သွားတာ။ ကျနော် သေချာမသိလိုက်ရဘူး။ ရည်ရွယ်ချက်ရှိရှိနဲ့ ထွက်ပြေးသွားတာတော့မဟုတ်ဘူး။ ကလေးရဲ့သဘော၊ သဘာဝအတိုင်း ဒီလိုပဲ လျှောက်သွားလျှောက်လည်တာ။ ဒီနေ့မနက်ကတည်းက ပျောက်နေတာ အခုချိန်ထိ ပြန်မတွေ့သေးဘူး “ ဟု ၎င်းက ပြောသည်။

ပျောက်ဆုံးသွားသူဟာ အသက် ၇ နှစ် ခွန်သက်အောင်၊ အသက် ၈ နှစ် ခွန်ဇော်မင်းထက်နှင့် အသက် ၉ နှစ် ခွန်မြမောင်တို့ ဖြစ်ပြီး ကိုရင်ဝတ်ဖြင့် ပျောက်ဆုံးနေကြောင်း သိရသည်။

အဆိုပါ ပျောက်ဆုံးမှုနှင့် ပတ်သက်၍ သက်ဆိုင်ရာ ရဲတပ်ဖွဲ့ကို တိုင်ကြားထားခြင်း မရှိသေးပေ။

ထို့အပြင် ပျောက်ဆုံးနေသည့် ထို ကိုရင် ၃ ပါးကို တွေ့ရှိထားပါက ဖုန်းနံပါတ် ၀၉ ၈၉၅ ၀၂၂ ၈၀၉ ကို ဆက်သွယ်အကြောင်းကြား ပေးစေလိုကြောင်းလည်း ၎င်းကတောင်းဆိုထားသည်။

Leave a Comments

- Advertisement -spot_img

Latest article