Sunday, May 26, 2024

မိုးဗြဲမြို့ စစ်ဘေးရှောင် စခန်းထဲ စစ်ကောင်စီက ဝင်ရောက်စီးနင်း စစ်ရှောင် (၃) ဦး မီးရှို့သတ်ဖြတ်ခံရ

Must read

သျှမ်းပြည် တောင်ကြီးမြို့နယ် ဖယ်ခုံမြို့နယ် မိုးဗြဲမြို့ အရှေ့ဘက်ကမ်း တောင်ပေါ်တွင် တည်ရှိထားသည့် စစ်ဘေးရှောင်စခန်းကို စစ်ကောင်စီက ဝင်ရောက် စီးနင်းခဲ့ပြီး စစ်ရှောင် (၃) ဦး မီးရှို့သတ်ဖြတ်ခဲ့ကြောင်း ဖယ်ခုံ PDF တပ်ရင်း (၂) က ထုတ်ပြန်ထားသည်။

မိုးဗြဲပြည်သူ့ကာကွယ်ရေးတပ်ဖွဲ့

ပြီးခဲ့သည့် မတ်လ ၁၂ ရက်နေ့က စစ်ကောင်စီ တပ်ဖွဲ့များသည် မိုးဗြဲမြို့အတွင်းရှိ စစ်ဘေးရှောင် စခန်းတစ်ခုထဲတွင် စစ်ကြောင်းထိုးဝင်လာပြီး စစ်ဘေးရှောင် (၃) ဦး ကို မီးရှို့ သတ်ဖြတ်ခဲ့ကြောင်း သိရသည်။

“ သူတို့က စစ်ဘေးရှောင်စခန်းထဲကို ဝင်လာတော့ စစ်ဘေးရှောင်တွေက ပြေးကုန်တယ်။ မပြေးနိုင်တဲ့ သူတွေကိုတော့ စစ်ကောင်စီက ပစ်သတ်လိုက်တာ။ တချို့ကိုလည်း အရှင်လတ်လတ် မီးရှို့ သတ်ဖြတ်လိုက်တယ်” ဟု ဖယ်ခုံမြို့ PDF တပ်ရင်း ၂ တာဝန်ရှိသူ တစ်ဦးက ပြောသည်။

စစ်ကောင်စီက အသက် (၇၈) နှစ်ရှိ အမျိုးသားတစ်ဦး နှင့် ၈၀ နှစ်ရှိ အမျိုးသမီးကို မီးရှို့သတ်ဖြတ်ခဲ့ပြီး ၁၅ နှစ်အရွယ် ကျောင်းသားတစ်ဦးကို သေနတ်ဖြင့် ပစ်သတ်ခဲ့ကြောင်း ဖယ်ခုံ PDF တပ်ရင်း ၂ က ထုတ်ပြန်ထားသည်။

ထိုအပြင် စစ်ကောင်စီက စစ်ကြောင်းထိုးဝင်လာပြီးနောက်ပိုင်း စစ်ကောင်စီ နှင့် ဖယ်ခုံမြို့ PDF တပ်ရင်း ၂ တို့က တိုက်ပွဲဖြစ်ပွားခဲ့ပြီး စစ်ကောင်စီဘက်တွင်လည်း သေဆုံးမှုရှိခဲ့ပြီး PDF တပ်ဖွဲ့ဘက်ကလည်း သေဆုံးမှုရှိခဲ့ကြောင်း သိရသည်။

“ ကျနော်ဘက်လည်း ကျဆုံးတာရှိတယ်။ ကျနော်တို့က မဟာမိတ်တွေ အပါ ၃ ယောက်လောက် ကျဆုံးခဲ့တယ်။ ၆ ဦးလောက်ဒဏ်ရာရခဲ့တယ်။ စစ်ကောင်စီဘက်ကတော့ ဒု – တပ်ကြပ်ကြီး အပါဝင် အများသေဆုံးခဲ့တယ်။ စစ်ရှောင်စခန်းထဲမှာ ၄ လောင်းတွေ့ခဲ့တယ်။ စစ်လက်နက် ပစ္စည်းတွေလည်း အများပြား သိမ်းဆည်းမိတယ်” ဟု အထက်ပါ တာဝန်ရှိသူက ပြောသည်။

ဖယ်ခုံမြို့နယ်အတွင်းတွင် သျှမ်း – ကယား နယ်စပ် ဆောင်းကန်းလမ်းခွဲ ၊ ဆင်ဖြူတောင်ကြော၊ ရွှေပြည်အေး နှင့် ကုန်းသာကျေးရွာဘက်တွင် တိုက်ပွဲဖြစ်ပွားနေလျက်ရှိသည်။

ထို့အပြင် တိုက်ပွဲသည် ဖယ်ခုံမြို့နယ်အတွင်း ပင်လောင်းမြို့နယ်၊ လွိုင်ကော်မြို့နယ်ထဲတွင် တိုက်ပွဲပြင်းထန် နေလျက်ရှိသည်။

မတ် ၁၁ ရက်တွင် ပင်လောင်းမြို့နယ် နမ့်နိန်းကျေးရွာရှိ သံဃာတော် ၃ပါး အပါအဝင် အရပ်သား ၂၈ ဦး ကိုလည်း စစ်ကောင်စီ သတ်ဖြတ် မီးရှို့ခဲ့သည်။

Leave a Comments

- Advertisement -spot_img

Latest article