သျှမ်းပြည် တာချီလိတ်ခရိုင် တာချီလိတ်မြို့ ဝမ်ကောင်းရတနာလမ်းသွယ် ၅ လမ်းတွင် ယနေ့ (ဖေဖော်ဝါရီ ၁၅ ရက်) နံနက်ပိုင်း ၁၀ နာရီ အချိန်က အမျိုးသား ၂ ဦး အရိုက်ခံထားရပြီး ဦးခေါင်းတွင် ထိခိုက်ဒဏ်ရာ ရရှိနေကြောင်း စုံစမ်း သိရှိရသည်။
အရိုက်ခံထားရသူသည် အသက် ၃၈ နှစ် ကိုလှဖုန်း နှင့် အသက် ၄၁ နှစ် ကိုနေထွန်း တို့ဖြစ်ကြကြောင်း ဦးလှမိုး လူမှုကူညီရေးအသင်းမှ တာဝန်ခံတစ်ဦးက သျှမ်းသံတော်ဆင့်ကို ပြောသည်။
“ သူတို့ ၂ ယောက်ကို ရိုက်ပြီး ထွက်ပြေးသွားတယ်လို့ ပြောတယ်။ သူခိုး၊ ဓားပြက ရိုက်သွားတာတော့ မဟုတ်လောက်ဘူး။ သူတို့ အချင်းချင်း စကားများ ရန်ဖြစ်ပြီး ရိုက်ကြတာ ဖြစ်နိုင်တယ် “ ဟု ၎င်းတာဝန်ခံတစ်ဦးက ပြောသည်။
အဆိုပါ ဦးခေါင်း အရိုက်ခံထားရသည့် အမျိုးသား ၂ ဦးသည် ဓားပြတိုက်ခံရ၍ ရိုက်ခံလိုက်ရခြင်း မဟုတ်ကြောင်း၊ အချင်းချင်း စကားများ ရန်ဖြစ်ရာမှ ခိုက်ရန် ရိုက်နှက်မှု ဖြစ်ပွားခဲ့ကြောင်း ၎င်းတာဝန်ခံတစ်ဦးက ယူဆထားသည်။
ထို့အပြင် ထိခိုက်ဒဏ်ရာ ရသူ အမျိုးသား ၂ ဦးကို တာချီလိတ်ပြည်သူ့ဆေးရုံကြီးသို့ ပို့ဆောင်ထားကြောင်းလည်း သိရသည်။
Leave a Comments