သျှမ်းပြည် လွိုင်လင်ခရိုင် လွိုင်လင်မြို့နယ်အတွင်းတွင် ရွေးကောက်ပွဲအတွက် လူစာရင်းများ လိုက်လံ ကောက်ခံနေကြောင်း သတင်းရရှိသည်။
ထိုသို့ စာရင်းလိုက်လံကောက်ခံရာတွင် နေအိမ်မရှိသူ နှင့် သေဆုံးသွားသူများ၏ စာရင်းကိုပါ ကောက်ယူသွားကြောင်း သိရသည်။
“ သူတို့ လာကောက်တာက ၁၀ အိမ်ကို တစ်အိမ်မှာ စုပြီးတော့ လာကောက်တာ။ အချိန်ကုန်သက်သာအောင်ပေါ့။ ပြီးတော့ သူတို့ အိမ်မှာ မရှိတဲ့သူတွေရဲ့ စာရင်းတွေလည်းကောက်တယ်။ ပြီးတော့ သေသွားသူတွေရဲ့ နာမည်တွေ စာရင်းတွေလည်းကောက်သွားတယ်” ဟု လွိုင်လင်မြို့ ဒေသခံတစ်ဦးက ပြောသည်။
ထိုသို့ သေဆုံးသူများ၏ စာရင်းကို လာကောက်ယူခြင်းသည် ပြည်သူများက ထိုသေဆုံးသွားသူ၏ နေရာကို မဲအစားထိုးပေးမည်ကို စိုးရိမ်ပြီး သံသရာဝင်နေကြသည်။
“ ဘာလို့ သေတဲ့သူတွေရဲ့ စာရင်း နဲ့ နေအိမ်မှာ မရှိတဲ့သူတွေရဲ့စာရင်းကို ကောက်တာလဲတော့ မသိဘူး။ ကျနော်တို့တော့ သေသွားသူရဲ့နာမည်ကို သုံးပြီးတော့ မဲပေးဖို့ လုပ်တာလားတော့ မသိဘူးလေ။ စဉ်းစားစရာပဲ” ဟု အထက်ပါ ဒေသခံက ပြောသည်။
စစ်ကောင်စီသည် လာမည့်ဩဂုတ်လတွင် ကျင်းပမည့်ရွေးကောက်ပွဲအတွက် ယခု ဇန်နဝါရီလ ၉ ရက်မှစပြီး နိုင်ငံတစ်ဝှမ်း လူစာရင်းတွေကို လိုက်လံကောက်ယူနေကြောင်း သိရသည်။
Leave a Comments