သျှမ်းပြည်တောင်ပိုင်း ကလောမြို့နယ် ဟဲဟိုးမြို့ ဝါးရုံပင်ကျေးရွာနေ အသက် ၂၀ နှစ် ကိုမော်ကြီးသည် ဆွမ်းဆန်စိမ်းအလှူခံထွက်ရင် ပျောက်နေကြောင်း စုံစမ်းသိရှိရသည်။
ယခု (ဒီဇင်ဘာလ) ၈ ရက်နေ့ ရပ်ရွာဘုန်းကြီးများနှင့် ဆွမ်းဆန်စိမ်း အလှူခံလိုက်ရင်း အဆက်သွယ်မရဘဲ ပျောက်ဆုံးသွားပြီး ယနေ့ ဒီချိန်ထိ ကိုမောင်ကြီး ပြန်မတွေ့သေးကြောင်း ၎င်းနှင့်နီးစပ်သည့်အသိုင်းအဝိုင်းထံမှ သိရသည်။
“ ကိုမော်ကြီးက အော်တစ်ဇင်ပါ။ ရပ်ရွာက ဘုန်းကြီးတွေနဲ့ ဆွမ်းဆန်စိမ်း အလှုခံထွက်ရင်း လူကွဲသွားတာ၊ တီကျစ် နဲ့ အောင်ပန်း အနီးတဝိုက်မှာ ပျောက်သွားတယ် “ ဟု ၎င်းနှင့်နီးစပ်သူတစ်ဦးက ပြောသည်။
သျှမ်းပြည်တွင် ပြီးခဲ့သည့် နိုဝင်ဘာလမှ ယခု ဒီဇင်ဘာလအထိ သျှမ်းသံတော်ဆင့် သီးခြားစာရင်းပြုစုထားချက်အရ ကလေးငယ်အပါအဝင် ပျောက်ဆုံးနေသူ ၁၄ ဦးခန့် ရှိပြီး အသက် ၃၀ နှစ်အောက် လူငယ်တော်တော် များများက ပျောက်ဆုံးနေကြောင်း သိရသည်။
အဆိုပါ ကိုမော်ကြီးကို မည်သူမဆို တွေ့ရှိထားပါက ဖုန်းနံပါတ် 09 774 562 052 (သို့) 09 884 210 075 ကို ဆက်သွယ်အကြောင်းကြား ပေးစေလိုကြောင်း ၎င်းမိသားစုဝင်များက တောင်းဆိုထားသည်။