သျှမ်းပြည်မြောက်ပိုင်း လားရှိုးမြို့တွင်းရှိ ဘူတာလမ်းမကြီး မြဝတီလမ်းထိပ်တွင် ကုန်ပစ္စည်းများ တင်ဆောင်လာသော ကားတစ်စီး နှင့် ဆိုင်ကယ်တစ်စီး ယာဉ်ချင်းတိုက်မိပြီး လူ (၂) ဦး ထိခိုက်ဒဏ်ရာရရှိခဲ့ ကြောင်း စုံစမ်း သိရှိရသည်။
အောက်တိုဘာ ၁၂ ရက် နံနက် ၅ နာရီခွဲခန့်တွင် ကုန်ပစ္စည်း တင်ဆောင်လာသော ကားတစ်စီး နှင့် ဆိုင်ကယ်တစ်စီး တိုက်မိပြီး ဆိုင်ကယ်ပေါ်မှ လူ ၂ ဦး ထိခိုက်ဒဏ်ရာ ရရှိခဲ့ကြောင်း လားရှိုးလူမှုကူညီရေးအသင်းမှ တာဝန်ရှိသူတစ်ဦးက သျှမ်းသံတော်ဆင့်ကို ပြောသည်။
“ကား၊ ဆိုင်ကယ်တွေတော့ ပျက်စီးသွားပါတယ်။ ဆိုင်ကယ်ပေါ်က လူ (၂) ဦးတော့ ထိခိုက်ဒဏ်ရသွားတယ်။ ကားပေါ်က လူတော့ ထိခိုက်ဒဏ်ရာမရဘူး“ ဟု ၎င်း တာဝန်ရှိသူ တစ်ဦးက ပြောသည်။
အဆိုပါ ထိခိုက်ဒဏ်ရာရရှိသော လူနာ ၂ ဦးကို လားရှိုး ဆေးရုံသို့ ပို့ဆောင်ထားပြီး ဆေးဝါးကုသမှု ခံယူနေကြောင်း သိရသည်။
ထို့အပြင် စက်တင်ဘာ ၂၄ ရက်တွင် နောင်ချိုမြို့နယ် ဘန့်ကွေးကျေးရွာအနီးတွင်လည်း စစ်ကောင်စီ ကား နှင့် ရဲဝန်ထမ်း မိသားစု ကားတိုက်မိရာမှ ရဲမေတစ်ဦး နှင့် အမျိုးသားတစ်ဦး သေဆုံးသွားကြောင်း စုံစမ်းသိရှိရသည်။
Leave a Comments