Saturday, December 3, 2022

လားဟူပြည်သူ့စစ် ခေါင်းဆောင် ဦးယီဆေး ကွယ်လွန်

Must read

သျှမ်းပြည်အရှေ့ပိုင်း တာချီလိတ်ခရိုင် မိုင်းဆတ်မြို့နယ်အတွင်း လှုပ်ရှားသည့် လားဟူပြည်သူ့စစ်ခေါင်းဆောင် ဦးယီဆေးသည် စက်တင်ဘာ ၁၄ ရက်၌ ကွယ်လွန်သွားကြောင်း သိရသည်။

ဦးယီဆေးသည် နေမကောင်းသဖြင့် မိုင်းဆတ်မြို့ မှ တာချီလိတ်မြို့သို့ ဆေးကုသရန်သွားချိန်မှာ လမ်းတစ်ဝက်တွင် ကွယ်လွန်သွားကြောင်း သိရသည်။

“သူနေမကောင်းတာက ကြာနေပြီ။ အခြေနေဆိုးလာလို့ သူ့ကို တာချီလိတ်ဆေးရုံကို ခေါ်သွားတာ။ လမ်း တစ်ဝက်ဆုံး သွားတာ” ဟု ဒေသခံတစ်ဦးက ပြောသည်။

လားဟူပြည်သူ့စစ်ခေါင်းဆောင် ဦးယီဆေး

ဦးယီဆေး ကွယ်လွန်ချိန်တွင် အသက် (၇၇) နှစ်ရှိပြီ ဖြစ်ကြောင်း သိရသည်။

ဦးယီဆေး ရုပ်အလောင်းကို တာချီလိတ်မြို့နယ် ရေပူစံပြကျေးရွာ ခရစ်ယာန်ကျောင်းတွင်ထားပြီး စက်တင်ဘာ ၁၇ ရက်တွင် မီးသင်္ဂြိုလ်မည်ဟု သိရသည်။

“MTA ခေတ်က သူက ဒေသန္တရ အုပ်ချုပ်ရေးပိုင်းဆိုင်ရာ တာဝန်ယူတယ်။ ၁၉၉၆ ခွန်ဆာလက်နက်ချပြီးတော့ သူလဲ နမ့်ပုံ တာချီလိတ်မှာ ပြည်သူ့စစ် ခေါင်းဆောင်သွားလုပ်လိုက်တာ။ ထိုင်းတွေကတော့ သူ့ကို မူးယစ်ဆေးနဲ့ ပတ်သက်သူလို့ စွပ်စွဲပြီး လိုက်ဖမ်းတယ် ။ သူလဲ ထိုင်းမှာမနေနိုင်တော့ဘဲ တာချီလိတ်ဘက်ကိုသွားနေနေရတာပေါ့” ဟု ပြည်ထောင်စု အင်စတီကျူ့ ဒါရိုက်တာ ဦးခွန်စိုင်း က သျှမ်းသံတော်ဆင့် ကိုပြောသည်။

ဦးယီဆေး ကို မူးယစ်ဆေးဝါး ရောင်းဝယ်ဖောက်ကားမှုများ နှင့် ပတ်သက်သည် ဟူသော စွပ်စွဲချက်ဖြင့် ၂၀၁၃ ခုနှစ်တွင် ထိုင်းအစိုးရ က သူ့ကိုဖမ်းမိပါက ဘတ်ငွေ ၅ သန်း ဆုငွေထုတ်မည် ဟု သတင်းထွက်ပေါ်ခဲ့ဖူးသည်။

ထို့အပြင် ဦးယီဆေး ၏ ထိုင်းနိုင်ငံ ချင်းမိုင်ခရိုင် ဆန်းဆိုင်မြို့နယ်ရှိ နေအိမ်ကိုလည်း ထိုင်းအစိုးရ က ပြည်သူပိုင်သိမ်းဆည်းလိုက်သည်။

ဦးယီဆေးသည် ယခင်က ခွန်ဆာခေါင်းဆောင်သည့် MTA တပ်ဖွဲ့ပါဝင်ခဲ့ပြီး ခွန်ဆာလက်နက်ချပြီးနောက် လက်အောက်ခံ တပ်ရင်းတပ်ဖွဲ့ များက ပြည်သူ့စစ်အသွင်ဖြင့် လှုပ်ရှားကာ ဗိုလ်မှူးယီဆေးသည် လားဟူပြည်သူ့ စစ်ခေါင်းဆောင် ဖြစ်လာခဲ့ ကြောင်း သိရသည်။

Leave a Comments

- Advertisement -spot_img

Latest article