သျှမ်းပြည်တောင်ပိုင်း ဆီဆိုင်မြို့နယ် နောင်ထော်ဒေသရှိ စစ်ကောင်စီ တပ်စခန်း (၂) ခန်းကို တိုက်ခိုက်ပြီးနောက် တပ်စခန်းမှ ဗိုလ်ကြီးတစ်ဦးအပါအဝင် စစ်ကောင်စီတပ်သား လူ (၂၀) ဦး ထက်မနည်း သေဆုံးကြောင်း စုံစမ်းသိရသည်။
စက်တင်ဘာလ (၁၂) ရက် နံနက် (၆) နာရီခွဲကျော်အချိန်တွင် ဆီဆိုင်မြို့၏ တောင်ဘက် နောင်ထော်ဒေသရှိ စစ်ကောင်စီတပ်စခန်း (၂) ခန်းကို ညီညွှတ်သော ရှမ်းတောင်ဖက်ဒရယ်တပ်ပေါင်းစု မဟာမိတ် (၅) မိတ်က တိုက်ခိုက်နိုင်ခဲ့ကြောင်း သိရသည်။
အဆိုပါ မဟာမိတ် (၅) ဖွဲ့သည် အမှတ် (1005) တပ်ရင်း၊ အမှတ် (1008) တပ်ရင်း (SSRY)၊ အင်းလေးဒေသ ပြည်သူ့ကာကွယ်ရေး အမှတ် (1009) တပ်ရင်း၊ NUG တပ်ရင်းတစ်ရင်းနှင့် ပအိုဝ်းအမျိုးသား ကာကွယ်ရေး (IPDF) တပ်ရင်းဖြစ်ပြီး နောင်ထော် စစ်တပ်စခန်း (၂) ခန်းကို တိုက်ခိုက်နိုင်ခဲ့သည်။
စစ်ကောင်စီဘက်မှ စက်သေနတ်၊ လက်နက်ကြီး၊ လက်နက်ငယ် အဆက်မပြတ် ပစ်ခတ်ပြီး စစ်ကူလေယာဥ်မှ (၆) ကြိမ်လာရောက် ဗုံးကြဲ ပစ်ခတ်ခြင်းများ ပြုလုပ်ကြောင်း ဆိုသည်။
အလားတူ စစ်ကောင်စီဖက်မှ အဆက်မပြတ် လက်နက်ကြီး လက်နက်ငယ်ဖြင့် ပစ်ခတ်ခဲ့ပြီး ညီညွတ်သော ရှမ်းတောင်ဖက်ဒရယ်တပ်ပေါင်းစုမှ အမှတ် (1005) တပ်ရင်း နှင့် NUG လက်အောက်ခံ တပ်ရင်းတစ်ဦးမှာ မစိုးရိမ်ရ ထိခိုက်ဒဏ်ရာရခဲ့ကြောင်း သတင်းသိရသည်။
Leave a Comments