သျှမ်းပြည်အရှေ့ပိုင်း မိုင်းယောင်းမြို့နယ် ဟောင်ကြန့်ကျေးရွာမှ အသက် ၁၀ နှစ်အရွယ်ရှိ အမျိုးသမီးငယ် အား မုဒိမ်းကျင့်ခဲ့သည့်သူကို ပြင်းထွန်စွာ အရေးယူသင့်ကြောင်း သျှမ်းလူမှုအသိုင်းအဝိုင်းများက ပြောသည်။
ပြီးခဲ့သည့် ဇွန်လ ၂၇ ရက်နေ့တွင် မိုင်းယောင်းမြို့နယ်မှ ဟောင်ကြန့်ကျေးရွာ သင်္ချိုင်းသွားရာလမ်းဘေးတစ်နေရာ တွင် အခင်းဖြစ်ပွားခဲ့ခြင်းဖြစ်ပြီး မုဒိမ်းကျင့်ခံရသူ အသက် ၁၀ နှစ်အောက် ကလေးငယ်ဖြစ်ကြောင်း ဒေသခံ တစ်ဦးက ပြောသည်။
“ဒီလိုမျိုးရက်စက်ကြမ်းကြုတ်တဲ့ လုပ်ရပ်တွေကို စစ်ကောင်စီတပ်သားတွေ လုပ်လာတာနှစ်ပေါင်း အတော်ကြာ ခဲ့ပြီ၊ အခုအသက် ၁၀ နှစ်အောက်ကို ဓါးထောက်ပြီး မုဒိမ်းကျင့်တာကလည်း အင်မတန်မှ ကြမ်းတမ်း ရက်စက်တဲ့လုပ်ရပ်ဖြစ်လို့ ပြုကျင့်သူ တရားခံစစ်သားကို ပြင်းပြင်းထန်ထန်အရေးယူသင့်တယ်၊ အပြစ်ပေးသင့် တယ်” ဟု SHRF မှ ပြောရေးဆိုခွင့် စိုင်းဟော်ရှဲန်က ပြောသည်။
အဆိုပါ မုဒိမ်းကျင့်ခံရသူ သျှမ်းအမျိုးသမီးငယ်သည် အသက် ၇ နှစ်သာရှိနေပြီး တြိဂံဒေသတိုင်းစစ်ဌာနချုပ် (တသခ) ၏ လက်အောက်ခံတပ်ဖြစ်သည့် မိုင်းယောင်းအခြေစိုက် အမှတ် (၃၃၄) ခြေမြန်တပ်ရင်းမှ တပ်သား သန်းဇော် မှ ဓါးထောက်မုဒိမ်းကျင့်ခြင်းဖြစ်ကြောင်း သိရသည်။
လက်ရှိတွင် တရားခံ တပ်သား သန်းဇော်ကို ရဲစခန်းမှ ဖမ်ဆီးထိန်းသိမ်းထားခြင်းဖြစ်ပြီး ကလေးငယ်ကို ဆေးရုံသို့ ပို့ဆောင်ကာ ဆေးကုသမှုခံယူလျက်ရှိကြောင်း သိရသည်။
သျှမ်းအမျိုးသမီးငယ် မုဒိမ်းကျင့်ခံရမှုနှင့် ပက်သက်ပြီး သတင်းဌာနများသို့ သတင်းပေါက်ကြားမှု မရှိစေရန် အတွက် မိသားစုဝင်များကို ခြိမ်းခြောက်ပြောဆိုမှုများလည်း ရှိနေကြောင်း ဒေသခံများက ပြောသည်။
“အခုလိုသတင်းဖုံးကွယ်ဖို့ ခြိမ်းခြောက်ပြော ဆိုတာတွေလည်း မိသားစုဝင်ကြုံနေရလို့ သတင်းကို မပေးရဲတာ တွေ ရှိနေပါတယ်၊ ဒါကို စစ်တပ်ဖက်ကရော ရဲစခန်းဘက်ကရော ဖိအားပေးနေတာ”ဟု အမည်မဖော် လိုသူ ဒေသခံတစ်ဦး က သျှမ်းသံတော်ဆင့်ကို ပြောသည်။
မုဒိမ်းကျင့်သူသည် အဆိုပါနေ့မှာပင် ကုန်စုံဆိုင် တစ်ဆိုင်တွင်လည်း ဓါးဖြင့် ခြိမ်းခြောက် ငွေတောင်းခဲ့ကြောင်း လည်း ဒေသခံများထံမှ သိရသည်။
ယင်းကိစ္စဖြစ်စဥ်များနှင့် ပတ်သက်ပြီး မိုင်းယောင်းတပ်နယ် နှင့် စစ်ကောင်စီလက်အောက်ခံ ဒေသ အာဏာပိုင် များက အထက်ဌာနများသို့ တင်ပြခြင်းမရှိဘဲ သတင်းဖုံးထားကာ ကြိတ်ဖြေရှင်းနေသည်ဟုလည်း သိရသည်။