ရွှေညောင်မြို့ ရာအိမ်မှူး သေနတ်ပစ်ခံရ

0

သျှမ်းပြည်တောင်ပိုင်း တောင်ကြီးမြို့နယ် ရွှေညောင်မြို့ မင်္ဂလာအောင်မြေ ရပ်ကွက် (၁) ရာအိမ်မှူးဖြစ်သည့် ဦးကိုကိုမြင့် (ခ) ကိုဂျိုး ဆိုသူ သေနတ်ဖြင့် ပစ်သတ်ခံရသည်ဟု သိရသည်။

ယမန်နေ့ ဇွန် (၆) ရက် နေ့လည်ပိုင်း ၂ နာရီခွဲတွင် အမည်မသိ လက်နက်ကိုင်တပ်ဖွဲ့မှ ဦးကိုကိုမြင့် (ခ) ကိုဂျိုး ရုံးခန်း၌ လာရောက်ပစ်သတ်ခဲ့သည်ဟု သိရသည်။

ရွှေညောင်မြို့

သေနတ်ပစ်ခံရပြီး သေဆုံးသွားသည့် ဦးကိုကိုမြင့် (ခ) ကိုဂျိုးသည် တောင်ကြီးမြို့နယ် ပြည်ထောင်စုကြံ့ခိုင်ရေး နှင့် ဖွံ့ဖြိုးရေး ကော်မတီဝင်ဟောင်း တစ်ဦးဖြစ်ပြီး ယာဘက်ရင်အုပ် နှင့် ဂျိုင်းနားတွင် သေနတ်ထိမှန်ပြီး သေဆုံးသွားခဲ့ကြောင်း ရွှေညောင်မြို့နေ အမျိုးသားတစ်ဦးက သျှမ်းသံတော်ဆင့် ကိုပြောသည်။

“လာပစ်တာကတော့ ဘယ်အဖွဲ့ကလည်းဆိုတာ မသိဘူး။ လူငယ်အရွယ်ပဲပြောတယ်။ သေနတ်ဒဏ်ရာကတော့ ၃ ချက်ပါ” ဟု ၎င်း အမျိုးသားက ဆိုသည်။

ယခုလက်ရှိအချိန်ထိ အဘယ်ကြောင့် ပစ်ခတ်သည်ကို အသေးစိတ်မသိရှိရသေးသည့်အတွက် ပစ်ခတ်သူ အမျိုးသားတစ်ဦးလည်း လွတ်မြောက်သွားကြောင်း သိရသည်။

Leave a Comments