သျှမ်းပြည်တောင်ပိုင်း ပင်လောင်းမြို့တွင် Semi Lockdown ချပြီးနောက်ပိုင်း ကိုဗစ်-၁၉ လူနာတစ်ဦး ထပ်မံသေဆုံးသွားကြောင်း စုံစမ်းသိရှိရသည်။
နိုဝင်ဘာ (၂)ရက်နေ့ ည ၇ နာရီ ဝန်းကျင်တွင် အသက် ၆၈ အဘိုးသည် ကိုဗစ် -၁၉ ရောဂါကြောင့် ဆေးရုံမှဆင်းပြီး နေအိမ်အပြန်တွင် သေဆုံးသွားကြောင်း သိရသည်။
“သူက အသက်ကြီးပြီ။ ဆေးရုံးကနေ ဆင်းလာပြီးတော့ နေအိမ်ရောက်တော့ ဆုံးသွားတယ်။ ရောဂါအခံလည်း ရှိမှာပေါ့။ သူက တခြားမြို့ဆေးရုံမှာ ဆေးသွားကုပြီးပြန်လာတာ။ လော့ဒေါင်းချပြီးနောက်ပိုင်း သေဆုံးသူတော့ ၁ ဦးဘဲရှိသေးတယ်။” ဟု ပင်လောင်းမြို့ ပရဟိတအဖွဲ့ဝင်တစ်ဦးက ပြောသည်။
ပင်လောင်းမြို့တွင် semi lockdown ချပြီးနောက်ပိုင်း ကိုဗစ်- ၁၉ ပိုးကူးစက်မှုနှုန်း ကျဆင်းလာကြောင်း သိရသည်။
သို့သော် လော့ဒေါင်းပြန်ဖွင့်ပေးပါက ကိုဗစ်- ၁၉ ပိုးကူစက်မှုနှုန်း ပြန်လည်မြင့်မားလာမှာကို စိုးရိမ်ရကြောင်း ပင်လောင်းမြို့ ဒေသခံ အမျိုးသမီးတစ်ဦးက ပြောသည်။
“ဟုတ်တယ်။ လော့ဒေါင်းချလိုက်တော့ ကူးစက်မှုကျဆင်းလာတယ်။ ၁၀ အောက်လောက်ရောက်လာတယ်။ ဒါပေမဲ့ လော့ဒေါင်းပြန်ဖွင့်လိုက်ရင်တော့ ပိုးတွေ့လူနာ ထပ်များလာမှာကို ကျမတို့တော့ စိုးရိမ်တယ်။ လော့ဒေါင်းပြန်ဖွင့်ရင်လည်း ပြည်သူတွေက mask တပ်ပြီး အပြင်သွားလာရင် ကူးစက်မှု ကျဆင်းလာ နိုင်ပါတယ်” ဟု ပင်လောင်းမြို့ ဒေသခံ တစ်ဦးက ပြောသည်။
ပင်လောင်းမြို့တွင် ယနေ့ နိုဝင်ဘာ ၄ ရက်နေ့ထိ ကိုဗစ် ၁၉ ပိုးကူစက်လူနာ စုစုပေါင်း ၂၅ ဦးသာ ကျန်ရှိကြောင်းသိရသည်။
ပင်လောင်းမြို့ semi lockdown ကို လာမည့် နိုဝင်ဘာ ၁၄ တွင် ပြန်ဖွင့်ပေးသွားမည်ဖြစ်ကြောင်း သိရသည်။
Leave a Comments