ပင်လုံ စစ်ကောင်စီတပ် မှ လူငယ် (၅)ဦးကိုဖမ်းဆီးထား

0

သျှမ်းပြည်တောင်ပိုင်း လွိုင်လင်ခရိုင် ပင်လုံမြို့ရှိ စစ်ကောင်စီတပ်ရင်း (၅၁၃) ခြေမြန်တပ်ရင်းမှ လူငယ် (၅) ဦးကို ဖမ်းဆီးထားကြောင်း စုံစမ်းသိရှိရသည်။

ပင်လုံ

စက်တင်ဘာ (၁၂) ရက် ည (၆) နာရီခန့်က ပင်လုံ တက္ကသိုလ်အနီးရှိ မြို့အဝင်ဂိတ်တွင် ထိုလူငယ် (၅) ဦးတို့၏ ဖုန်းကိုယူစစ်ဆေးရာ ဖုန်းထဲ စစ်ကောင်စီမှ လက်နက်ကိုင်ထားသည့်ပုံတွေ့ရသဖြင့် ဖမ်းသွားကြောင်း စုံစမ်းသိရှိရသည်။

“ကလေး (၅) ယောက်ထဲက (၁) ယောက်က ပြောင်းရှည် သေနတ် တစ်လက် နဲ့ ပစ်စတို တစ်လက် ကိုင်ထားတဲ့ ပုံတွေ သူ့ဖုန်းထဲ ထည့်ထားတာတွေ့လို့ ကလေးတွေကို ဖမ်းထားလိုက်တယ်လို့ သိရတယ်” ဟု ပင်လုံဒေသခံ တစ်ဦး ကပြောသည်။

အဆိုပါ ဖမ်းဆီးခံထားရသည့် လူငယ် (၅) ဦးကို လဲချားမြို့မှ (စစ်ဖက်ဆိုင်ရာ လုံခြုံရေးနှင့် ကွပ်ကဲရေး) စရဖ လူငယ် (၅) ဦး၏ နောက်ကြောင်းကို စစ်ဆေးရာမှာ သာမာန်ပြည်သူများ ဖြစ်ကြောင်း သိရှိ ရသည်။

“ကလေးတွေကို ပြန်လွှတ်ဖို့က တိုင်းမှူးလက်မှတ်ရဖို့ လိုတယ်လို့ပြောတယ်။ ခု တိုင်းမှူးက ခရီးထွက်နေတယ်လို့ကြားတယ်။ တိုင်းမှူးလက်မှတ်မရသေးလို့ ပြန်မလွှတ်သေးတာ” ဟု နီးစပ် သူ တစ်ဦး ကပြောသည်။

အဆိုပါ ဖမ်းဆီးခံရသည့် လူငယ် (၅) ဦးသည် ပင်လုံမြို့ ရပ်ကွက် (၁)တွင်နေထိုင်သည့် (၄) ဦးနှင့် ရပ်ကွက် (၄)တွင်နေထိုင်သည့် လူငယ် (၁) ဦး တို့ ဖြစ်ကြကြောင်း သိရှိရသည်။

Leave a Comments