သျှမ်းပြည်တောင်ပိုင်း ကလောမြို့နယ်တွင် ယမန့်နေ ( သြဂုတ် ၂) ရက်ထိ ကိုဗစ် ၁၉ ကြောင့်သေဆုံးသူ စုစုပေါင်း ၁၀၈ ဦးရှိကြောင်း စုံစမ်းသိရှိရသည်။
ကလောမြို့နယ် အတွင်းရှိ ကလောမြို့တွင် ယနေ့ သြဂုတ် ၃ ရက်ထိ ပိုးတွေ့လူနာ (၁၉၁) ဦးရှိပြီးသေဆုံးသူ ၃၄ ဦး နှင့် လက်ရှိဆေးရုံးတွင်ဆေးကုနေသူ ၂၂ ဦးရှိကြောင်း၊ အောင်ပန်းမြို့တွင် ပိုးတွေ့လူနာ ၄၀၄ ဦးရှိပြီး၊ သေဆုံးသူ ၇၅ ဦးရှိကြောင်းသိရသည်။
ထို့ပြင် ဟဲဟိုးမြို့တွင်လည်း ပိုးတွေ့လူနာ ၉၄ ဦးရှိပြီး သေဆုံးသူ ၃ ဦးရှိကြောင်းသိရသည်။
ထိုသို့ လက်ရှိတွင် ကိုဗစ် ၁၉ ရောဂါပြန့်ပွားမှုမြင့်တက်လာသောကြောင့် “ ဖြစ်နိုင်ရင်တော့ အိမ်မှာနေစေချင်တယ်။ အပြင်တွေမလိုအပ်ရင်မထွက်နဲ့။ ထွက်လဲ Mask( နှာခေါင်းစည်း)တပ်၊ ပြီးတော့ လက်ကိုမကြာခဏ ဆေးတာလုပ်စေချင် တယ်” ဟုကလောမြို့ ဒေါက်တာ တဦးက ပြောသည်။
ကလောမြို့နယ်အတွင်း ကိုဗစ်- ၁၉ ကိုထိန်းချုပ်ရန်အတွက် အောင်ပန်းမြို့အား Stay at home အဖြစ်သတ်မှတ်ထားပြီး ကလောမြို့မဈေးကိုလည်း သြဂုတ်လ ၁၇ ရက်ထိပိတ်သိမ်းထားမည်ဖြစ်ကြောင်းသိရသည်။
Leave a Comments